新仙清湯腩 (已結業)

听朋友推荐而过黎试试，order左呢度嘅招牌菜──清汤牛腩粉，店主很好细心咁问我拣肥腩、瘦腩定系半肥瘦腩，怕肥嘅我自然就拣左瘦腩。上枱后睇落非常清淡嘅清汤牛腩粉，我估应该有佢独到之处嘅，先饮一啖汤，汤头牛油味非常香浓，呢种香浓一啲都唔油腻，鲜美十足，好似浓郁的嘅牛骨味道，唔知系咪因为加入左牛骨熬制嘅缘故呢~牛腩都有好几件，纹理清晰，又腍又有牛肉味，而且厚度啱啱好，煮得好软淋，唔使咬好耐； 河粉亦比较爽滑，萝卜虽然系配角，但都好出色，鲜美嘅汤汁渗入香脆萝卜入面，咬一啖，味道留喺口中一段时间，一试难忘。另外点左碟油麦菜，油菜看似普通，但其实要做到色香味俱全唔容易，可以考到厨艺，又可以睇到来货够唔够新鲜鲜。好在呢度嘅油菜都无令我失望，色泽够绿，食落又嫩又脆，非常清香，一啲苦味都无。睇黎店家用料够靓，厨师手势亦抵赞~