影片
更多
2024-11-15
0 浏览
大名鼎鼎嘅「四季椰林」喺国内有超过60间分店，原来香港都有一间，喺旺角MOKO 新世纪广场3楼就有得食啦！一入门口已经见到墙上嘅标语「4个椰子1锅汤，不加一滴水」，我哋拣咗鸳鸯锅，一边纯椰子水汤底，另一边系酸辣汤底，等汤底煮滚咗之后，店员就会帮手落文昌鸡啦半只海南文昌鸡🐔鸡只选用海南文昌鸡，落锅之后煮5分钟就可以食啦，文昌鸡嘅质感嫩滑，而且脂肪较少，好食又健康，配搭椰子汤底非常清甜。酱油亦都值得一赞，甜甜地可以突显出鸡嘅鲜味，仲可以自己加配沙姜、辣椒或者青柠，调制个人口味。「中山」脆鲩鱼片🐟鱼片份量都几多，落左之后几秒钟就会见到鱼片煮熟咗，口感爽脆，配搭酸辣汤底，够晒惹味！雪花牛小排🐮打边炉一定要食肥牛，牛小排肥瘦相间，鲜嫩有牛肉味，加上椰子汤底清甜，更加突显到牛小排嘅滋味！「潮汕」手工鱼皮饺🥟喺香港好少食到呢种鱼皮饺，好有特色，一啖一个啱啱好。香辣文昌鸡肾、凉拌青瓜凉拌青瓜酸酸辣辣，文昌鸡肾好爽口，作为开胃小菜一流！100%天然椰子水🥥椰子味超级浓郁，有少少似椰浆加椰子水，而且够晒冰冻，啱晒打边炉饮！椰子糯米饭平时芒果糯米饭就食得多，椰子糯米饭真系第一次试😝软糯嘅糯米饭配搭椰子肉，口
半只海南文昌鸡🐔
鸡只选用海南文昌鸡，落锅之后煮5分钟就可以食啦，文昌鸡嘅质感嫩滑，而且脂肪较少，好食又健康，配搭椰子汤底非常清甜。酱油亦都值得一赞，甜甜地可以突显出鸡嘅鲜味，仲可以自己加配沙姜、辣椒或者青柠，调制个人口味。
「中山」脆鲩鱼片🐟
鱼片份量都几多，落左之后几秒钟就会见到鱼片煮熟咗，口感爽脆，配搭酸辣汤底，够晒惹味！
雪花牛小排🐮
打边炉一定要食肥牛，牛小排肥瘦相间，鲜嫩有牛肉味，加上椰子汤底清甜，更加突显到牛小排嘅滋味！
「潮汕」手工鱼皮饺🥟
喺香港好少食到呢种鱼皮饺，好有特色，一啖一个啱啱好。
香辣文昌鸡肾、凉拌青瓜
凉拌青瓜酸酸辣辣，文昌鸡肾好爽口，作为开胃小菜一流！
100%天然椰子水🥥
椰子味超级浓郁，有少少似椰浆加椰子水，而且够晒冰冻，啱晒打边炉饮！
椰子糯米饭
平时芒果糯米饭就食得多，椰子糯米饭真系第一次试😝软糯嘅糯米饭配搭椰子肉，口感丰富，味道清新，啱晒打完边炉食！
总括嚟讲性价比都唔错，「不加1滴水」椰子汤底清甜好饮，更能体现食材嘅原汁原味😋钟意重口味少少嘅亦都可以鸳鸯锅拣酸辣汤汤底，又多一种滋味，非常值得去试吓👍🏻
张贴
