表叔火鍋

营业中

休息中

打边炉其实最重要都系真材实料不花巧同朋友相约系旺角，讲起好耐冇食过好食既正港风味打边炉烚下烚下。佢话谂起食过一间几有品质既港式火锅，本身行既路线以为朋友系咪搞错左麻辣锅同港式火锅...... 原来只系我平时冇留意到！首先我地点左个刺身做头盘先，其实好想食佢地既象拔蚌刺身，因为一入去就见到佢地养住缸入面d蚌都系劲大只好正咁！不过得两个人，我地叫左平时好少见有得食既水母刺身，同鱿鱼刺身。我以为水母刺身会好似海蜇咁样，但原来唔同咬落劲爽口，食落味道唔重所以点埋𠮶酱好夹，有少少柚子味。我哋叫咗个番茄牛骨锅，佢都可以拣麻辣底嘅。个锅一嚟到已经见到劲足料！炸鱼皮新鲜炸出黎，同出面d普通火锅店即食鱼皮已经唔一样！之后好快烚左个虾丸同墨丸...呢个系超级好食呀！好耐冇出黎食过咁弹牙既手打虾丸！我朋友点左个猪脚筋佢话又系打边炉好好食既，食落都几得意，有d似食好大旧既鸡软骨既感觉。另外仲有脆鲩都好值得食，好大旧够厚肉，咬落真系好脆口爽口而且一d都唔腥。仲有佢地既手切牛，都系好新鲜好有牛味，肉质好鲜嫩！虽然装潢好平实，但食物质素都系平均水准之上而且价钱唔贵！之后想食港式边炉都会再黎食。