黃金車仔麵 (已結業)

入嚟宝琳睇戏，印象中新都城二期𠮶边快食个饭都唔平，无意中试到呢间车仔面都唔错。车仔面最重要当然系啲𩠌嘅用料同味道，首先我几钟意全部都大大件好足料，当中蚝油冬菇同司华力肠更加系重量级，冬菇有手掌咁大，司华力肠就半条咁上，啖啖肉嘅感觉好爽。 牛孖筋都炆得好腍好入味，有牛腩面铺嘅水准。朋友叫左萝卜好清甜，猪肚干净冇怪味。锦卤韮菜云吞新鲜炸起好酥脆，韮菜猪肉馅炸饺真系冇得输，香口惹味，酱汁酸酸甜甜唔会腻。泰式猪颈肉好大块，脆口得黎仲保持到肉汁，尤其是小食只系加二三十蚊，性价比真系好高。