漁川米線 (沙咀道)

营业中

休息中

因为本身唔食熟鱼嘅关系，所以对D鱼汤底嘅食物都小食小食 ; 呢间小店系小数会帮衬嘅食店。今日简咗海鲜米线，大虾好新鲜; 好弹牙。蚬有D入面仲有小小沙。鱼汤底无腥味，饮完都完全唔会口渴。所以应该都真系不加味精真材实料。 米线好滑，唔会淋有D爽口。 除咗米线我亦都好钟意呢度嘅小食，今日点咗鲜鱼皮同埋炸墨鱼饼。鲜鱼皮唔算太多粉面店有得食，几爽口所以可以试试。 手打墨鱼饼，无想象中咁弹牙；但墨鱼味都好足。如果钟意食鱼，呢度都有好多鱼种同埋不同嘅部位。仲有蔬菜同鱼汤嘅组合，所以都几多口味选择。因为店面唔太大，所以店内座位之间都几贴。撞啱午餐时间都系真几爆，好彩今日安排坐到卡位，所以食得比较舒服D。