影片
更多
2023-07-02
591 浏览
认识绿林既原因，系因为2月果时，可能因为太劳累，又或者受咗风寒，结果唔少新长出既头发都系白色头发，吓死韩国朋友建议定期饮「红参」，快捷方便，而自己都接受到类似花旗参既味。不过，仍然心思思想试 黑芝麻糊，叫做「以“色”保“色”」啩。但芝麻糊系比较高热量既甜品，咁唯有揾方法减低热量。最后揾到绿林(系少数 <如果唔系全港唯一>)有提供无糖黑芝麻糊既甜品舖。食落唔太稀唔太杰，当然就冇乜甜味，但都有芝麻香。之后做运动时同朋友倾起，朋友建议可以试埋「合桃露」，因为有「镁」(虽然我唔太知「镁」有乜用，但应该有用)。咁正常人都钟意 无糖黑芝麻糊 拼 有糖既合桃露啦，始终多返少少甜。最近第一次中新冠病毒，之后有啲咳，食中药(或橙树素)有啲帮助。但都想试吓天然啲既方法止咳。绿林都有「海底椰 炖雪梨」，我就饮热既，见到雪梨有好多片，亦唔太甜，最重要系食完就即刻少咗咳。咁为咗又食甜品，又要唔好咳，就变咗个咁既配搭喇。依家头发黑返、多咗，而腰围体重冇乜点变(中新冠病毒时可能因为脱水<或者食粥>所以「曾经」轻咗1.5公斤)。食咗:*无糖黑芝麻糊 拼 合桃露 (双拼$34 / 单拼$
韩国朋友建议定期饮「红参」，快捷方便，而自己都接受到类似花旗参既味。
不过，仍然心思思想试 黑芝麻糊，叫做「以“色”保“色”」啩。但芝麻糊系比较高热量既甜品，咁唯有揾方法减低热量。
最后揾到绿林(系少数 <如果唔系全港唯一>)有提供无糖黑芝麻糊既甜品舖。食落唔太稀唔太杰，当然就冇乜甜味，但都有芝麻香。
之后做运动时同朋友倾起，朋友建议可以试埋「合桃露」，因为有「镁」(虽然我唔太知「镁」有乜用，但应该有用)。咁正常人都钟意 无糖黑芝麻糊 拼 有糖既合桃露啦，始终多返少少甜。
最近第一次中新冠病毒，之后有啲咳，食中药(或橙树素)有啲帮助。但都想试吓天然啲既方法止咳。绿林都有「海底椰 炖雪梨」，我就饮热既，见到雪梨有好多片，亦唔太甜，最重要系食完就即刻少咗咳。
咁为咗又食甜品，又要唔好咳，就变咗个咁既配搭喇。
依家头发黑返、多咗，而腰围体重冇乜点变(中新冠病毒时可能因为脱水<或者食粥>所以「曾经」轻咗1.5公斤)。
食咗:
*无糖黑芝麻糊 拼 合桃露 (双拼$34 / 单拼$31) 黑芝麻糊 可以拣无糖、半糖或有糖。合桃露就有糖，但唔算太甜。应该可以拣冻或热。
*海底椰 炖雪梨 ($50)。可拣冻或热，但自己为左止咳就拣热既(如果专程去食雪梨既话，而又可能10pm后先去，可以先打电话去问一问仲有冇炖雪梨，惊卖晒就冇)
仲有其他西式同埋中式甜品、时令甜品(最近见到有凤梨既甜品)，咳好晒就食得喇~
无糖黑芝麻糊 拼 合桃露 / 海底椰 炖雪梨
$84
14 浏览
0 赞好
0 留言
张贴
