有口福

营业中

休息中

虽然已将近夏天，但我对“火㶽”有点情意结，加上呢间系九龙城嘅「有口福」，见佢哋餐牌上啲火㶽配料款式多多，于是与 honey 一齐嚟试下 😉自选汤底都唔少，每款各具特色。最后拣咗“皮蛋芫茜汤底” ～ 蛋白淡黄色晶莹剔透，食落好烟韧、有咬口，又有淡淡皮蛋香味，兼且这款汤底比较降火添！😚“鲜猪什” ～ 猪杂拼盘非常，可同时品尝猪的不同部位，包括猪脆喉骨、猪脷、猪肺、猪肚、猪蝴蝶腩、猪大肠等等…非常新鲜。尤其猪脆喉骨、骨脆肉淋，猪肚嫩滑，猪大肠洗得好干净，一啲酥味都冇、好有咬口，猪肺淋甜 “金钱牛展” ～ 片片薄牛肉好吸引，兼且鲜味十足，又不肥腻，食到舐舐脷！“手打三宝丸” ～ 墨鱼丸、虾丸、鲮鱼球，每款都大大粒，各自有其鲜味，尤其墨丸弹牙，虾丸多虾 “水鱿鱼须” ～ 呢碟真超值，鱿鱼须非常新鲜，大大条，又爽脆又满有鱿鱼香味 “炸支竹”、“莲藕片”、“窝笋片”～ 支竹软硬适中有口感，莲藕片爽脆，莴笋片清甜