東湖小廚聯威餐廳

营业中

休息中

由于是日母亲大人想休假一天，我们举家上下便要出外共进晚膳，而揾地方食野呢个咁重要既任务，就落左系我身上~呢间餐厅平时路过几次，见餐单都几多款式，价钱都公道，见有机会就试试佢 (另一原因系母亲大人只食中菜 一家人去食饭仲有个好处，就系人多多，可以叫多几样𩠌，我就叫左最爱既菠萝咕噜肉菠萝咕噜肉，功夫多，油炸麻烦，所以妈妈都唔多煮。而近年老实食肆越来越少，粉多过肉，份量缩小，好难揾到好食既。但呢度完全唔同！咕噜肉粉浆唔厚，外层香口得黎啖啖肉，好耐冇试过食得咁享受，份量够哂三小口食。而且酸甜开胃，好惹味，好快就抢清光。另外，仲有呢个三色炒鲜鱿，鲜鱿数量都唔小。炒三蔬呢啲咁简单嘅菜式，对大厨黎讲简直手到拿来，色鲜，爽脆，鲜甜，都做到了。鲜鱿唔腥，爽口，仲有淡淡的蒜香味。一口浓味嘅咕噜肉，清新嘅青椒，生活就系要平衡一下。母亲大人仲好汤水，所以加左例汤，我都饮左一小口，从味道中感受到系足料，而餐厅都标榜系无味精添加，味道自然。