家家芋芋

营业中

休息中

今晚去港岛上堂，上完堂紧系要happy hour，唔系饮酒呀！只系约咗几个同学仔去食糖水，甜一甜。同学仔带咗我地去了食台湾甜品，小店整齐企理，环境光猛，坐得舒适。甜品有六个系列，仲有几款台式小吃。我拣了<豆花年华>系列嘅自选3款配料（$40）再加多1配料，即系有鲜芋头、桃胶、雪耳和绿茶冻（+$6）配蔗糖豆花底，好丰富。豆花好香滑，好有豆香，蔗糖唔会太甜，配甜美嘅鲜芋头就刚好，芋头仲好粉绵，喜欢！桃胶和雪耳份量都好足，仲好爽滑。最钟意系滑嘟嘟嘅绿茶冻，啖啖茶香又微甜。同学仔要<仙草传说>系列嘅鲜芋头、红豆、布丁（$46），再加桃胶（$8）配黑糖仙草冻冰底，都系好丰富。同学话黑糖味甜美香浓，仙草冰好滑；红豆和鲜芋头甜美粉绵；布丁滑嘟嘟有蛋香，加埋忌廉落去食更好味。另一同学要<鲜奶系列>嘅芋芋麻糬鲜奶（$40/500cc），内有绵绵嘅芋蓉、黏滑嘅麻糬和烟韧嘅小芋丸，奶味香浓，好食好喝。