影片
更多
2022-08-10
2087 浏览
今日陪老婆出尖沙咀做身体检查，检查刚啱安排晌中午打后少少时间，所以，刚好趁佢检查嘅时间嚟食晏，食完接番佢就啱啱好。一支公，食咩都无所谓啦，所以，最后拣咗平平哋嘅「南记」。因为过咗放饭时间，所以，客人唔多，寥寥可数，三、五、七枱客，仲好啦，安安静静。有啲咩选择，电子餐牌就放晌晒收银位嘅头壳顶，其实，大部分香港人对「南记」都好熟啦。 好奇加上贪得意，试咗佢哋个「芫荽蓉汤底」套餐，先声明，小弟唔喺芫荽控，不过，对芫荽唔抗拒，亦喜欢饮芫荽皮蛋汤。 芫荽蓉汤底米线套餐 $53哗！果然好芫荽㖞，个汤底青到呢……，而杯可乐一样好青吓！其实碗米线都几大份，当然卖相就无张餐牌嘅咁靓仔啦，但一样交足货，有齐炸猪扒、芫荽丸、皮蛋，以及豆卜，加上份量十足嘅米线，究竟伏味浓唔浓呢？ 先试试汤底，见有人写过以沼泽色嚟形容，其实，跟意大利面嘅青酱咪差唔多，所以，对于颜色无乜反感。「南记」嘅鱼汤底一向都唔错，加咗大量芫荽去打，呷一口，真喺劲芫荽味，比一般芫荽皮蛋汤更强劲，夸啲讲真喺有「余韵」，芫荽味仲晌口腔内盘旋，同时，亦感受到当中嘅鲜甜味。 啲𩠌料都好啱食，炸猪扒大大块，做得松化，又唔喺好油，不失一贯水准；芫荽丸亦
因为过咗放饭时间，所以，客人唔多，寥寥可数，三、五、七枱客，仲好啦，安安静静。
有啲咩选择，电子餐牌就放晌晒收银位嘅头壳顶，其实，大部分香港人对「南记」都好熟啦。
好奇加上贪得意，试咗佢哋个「芫荽蓉汤底」套餐，先声明，小弟唔喺芫荽控，不过，对芫荽唔抗拒，亦喜欢饮芫荽皮蛋汤。
芫荽蓉汤底米线套餐 $53哗！果然好芫荽㖞，个汤底青到呢……，而杯可乐一样好青吓！其实碗米线都几大份，当然卖相就无张餐牌嘅咁靓仔啦，但一样交足货，有齐炸猪扒、芫荽丸、皮蛋，以及豆卜，加上份量十足嘅米线，究竟伏味浓唔浓呢？
先试试汤底，见有人写过以沼泽色嚟形容，其实，跟意大利面嘅青酱咪差唔多，所以，对于颜色无乜反感。「南记」嘅鱼汤底一向都唔错，加咗大量芫荽去打，呷一口，真喺劲芫荽味，比一般芫荽皮蛋汤更强劲，夸啲讲真喺有「余韵」，芫荽味仲晌口腔内盘旋，同时，亦感受到当中嘅鲜甜味。
啲𩠌料都好啱食，炸猪扒大大块，做得松化，又唔喺好油，不失一贯水准；芫荽丸亦有啲惊喜，猪肉丸搓得够弹牙，芫荽味突出，唔会觉得怪怪哋；豆卜索满汤汁，就自然好食，如果喜欢食芫荽嘅朋友，相信呢个米线可以过足瘾。
芫荽可口可乐不得不佩服港人创意，柠乐、黑牛，依家仲搞杯荽乐，真鬼马。因为本身接受到芫荽嘅草青味，所以，整体感觉就好似加咗啲五青汁嘅可乐，可乐散发出嘅汽泡，令到入口时芫荽嘅气味感觉清爽啲。不过，好唔好饮，好个人嘅，相信对呢杯可乐嘅睇法都会好两极，但小弟就几OK。
试完呢个套餐，整体感觉唔错，但对芫荽无偏好嘅人就无谓试。此外，都要赞赞香港人，真喺有好多创意，晌香港可以食到世界各地美食之余，又试到好多新嘢，美食之都都唔喺浪得虚名！
张贴
