龍鳳祥餃子館 (已結業)

今日好开心😊!老公来接我收工,所以我决定请佢去食同事介绍呢一间饺子店 餐牌好简单，原来主要系食饺子同埋面 去到𠮶阵时已经系夜晚九点半，但都仲好多人， 望下周围环境好新净好整齐 同事推介我哋食呢个牛犇面， 一问之下，原来系犇代表有牛腩牛筋同埋牛肉， 牛肉汶得很冧身， 一入口就有好香浓嘅牛肉味同鲜味， 咬落口一啲都唔会黐牙! 个面煮得啱啱好好够熟，好弹牙! 汤底有少少偏甜味嘅! 唔怪之得同事好推介极力推介啦! 真系好好味 叫咗个醉鸡， 醉鸡嘅酒味唔会过浓， 唔会盖过鸡肉嘅原有嘅鲜味， 鸡肉够嫩滑同结实， 最惊喜嘅系我最唔钟意食既鸡胸都唔会好似平时𠮶啲咁“鞋”身老公钟意食辣所以拣咗呢个麻辣猪手, 猪手炆得好够冧，烟烟韧韧又够入味，老公话系佢食过最好味嘅猪手， 佢个表情真系好搞笑， 不过唔算太辣，所以我都食到 三鲜饺，原来呢度可以叫饺子跟个汤底，有牛肉汤底蕃茄汤底，同埋呢个酸辣汤底， 平时食饺子我必定会点醋，但因为有酸辣汤嘅酸味所以今次连醋都唔洗落， 饺子加埋个汤底一齐食变咗个饺子更加滑身 听讲呢度啲饺子系每一日都新鲜包的，呢个三鲜饺有齐我最钟意既韭菜鲜虾同埋猪肉，饺子嘅肉汁丰富， 有新鲜韭菜