影片
更多
2022-08-10
3189 浏览
我同朋友都好钟意打边炉🍲，大热天时都无阻我哋嘅兴致，星期日就帮衬咗位于旺角琼华嘅「马祖无限时台湾养生涮涮锅」。估唔到下午时段，餐厅都近乎全场满座，而且客源涵盖后生以至长者，人气超高的👏。另一边厢，餐枱够晒大张，啱晒食放题。我哋拣咗牛颈脊套餐🐮，周末夜晚七点前埋单只需$329位，仲要系真正无限时吃到饱。餐厅采用QR Code落单，上菜速度劲快，所以骤眼间就嗌到成枱都系。打边炉前，先来小食：黄金地瓜条💛🍠🍟，蕃薯条炸至外脆内软，味道甜甜的，另外更有多种Shake Shake粉作调味。涮涮锅汤底有超过十款选择，鸳鸯锅加$48，我哋要咗药膳椰子鸡并麻辣蕃茄牛肉(小辣)。前者椰子香四溢🥥，味道清甜，适合渌菜同丸类。后者𠮶款相反，蕃茄味浓郁🍅，调和咗辣度，小辣易入口。再者，个炉火候掂当，啲嘢好快渌熟！套餐包嘅两款牛质素唔错🥩，最起码大大片、唔会太薄，食落有质感。牛肉肥瘦均匀，肉味亦都强，两款肉整体分别唔大，各有千秋。黑色碟系Prime Grade安格斯牛颈脊，而白色碟就系Prime Grade美国安格斯牛肉。我哋试咗其中一款猪🐷：西班牙伊比利亚黑毛猪，味道OK嘅，但脂肪位稍为多咗啲。除咗肉之外，海
我同朋友都好钟意打边炉🍲，大热天时都无阻我哋嘅兴致，星期日就帮衬咗位于旺角琼华嘅「马祖无限时台湾养生涮涮锅」。
估唔到下午时段，餐厅都近乎全场满座，而且客源涵盖后生以至长者，人气超高的👏。另一边厢，餐枱够晒大张，啱晒食放题。
我哋拣咗牛颈脊套餐🐮，周末夜晚七点前埋单只需$329位，仲要系真正无限时吃到饱。餐厅采用QR Code落单，上菜速度劲快，所以骤眼间就嗌到成枱都系。
黄金地瓜条
68 浏览
0 赞好
0 留言
涮涮锅汤底有超过十款选择，鸳鸯锅加$48，我哋要咗药膳椰子鸡并麻辣蕃茄牛肉(小辣)。前者椰子香四溢🥥，味道清甜，适合渌菜同丸类。后者𠮶款相反，蕃茄味浓郁🍅，调和咗辣度，小辣易入口。再者，个炉火候掂当，啲嘢好快渌熟！
套餐包嘅两款牛质素唔错🥩，最起码大大片、唔会太薄，食落有质感。牛肉肥瘦均匀，肉味亦都强，两款肉整体分别唔大，各有千秋。
Prime Grade安格斯牛颈脊
34 浏览
0 赞好
0 留言
Prime Grade美国安格斯牛肉
98 浏览
0 赞好
0 留言
我哋试咗其中一款猪🐷：西班牙伊比利亚黑毛猪，味道OK嘅，但脂肪位稍为多咗啲。
除咗肉之外，海鲜都系任点任食。是日精选有蚬、蛏子同生猛海虾，🦐啲虾好新鲜，口感弹牙。
手工配料方面🍡，我哋嗌咗梅菜猪肉丸同麻辣牛丸，估唔到每份有四粒，好彩细细粒。梅菜猪肉𠮶粒几夹，另一粒麻辣就好鬼辣🌶。此外，黑松露墨鱼滑好正(无影相)，口感爽弹，黑松露劲香。
足八吋长蟹棒
16 浏览
0 赞好
0 留言
每款食材份量都唔少，摆盘整齐。由左上数起分别系花胶片、鲜莴笋、海鲜菇、栗米件、牛柏叶同埋杂菇拼盘🍄。蔬菜类味道天然鲜甜，特别系粟米，啲菇都几好。牛柏叶同响铃(无影相)就系索汤之选。
油麦菜
17 浏览
0 赞好
0 留言
饮品方面🥤，大大个雪柜幢咗喺度，佢有四款自家制泡茶，包括桂花乌龙、爱文芒果茉莉花茶、黑糖冬瓜柠檬茶同埋日月潭蜜香红茶。我全部试晒😛，其中无糖𠮶两款(即乌龙同红茶🍵)比较清新，亦可解腻。
最后仲有甜品🍨，但就唔系任点，按人头计。雪糕款式有齐几个大牌子，例如Häagen-Dazs、MOVENPICK同Dryers等。
餐厅自助区只系放置咗酱料吧同汤底瓶，咁样其实仲好，冇开放式冻柜，卫生得多👍。
总括嚟讲，而家市面上开咗唔少台式任食火锅店🇹🇼，虽然大家有唔少共通点，不过我认为马祖喺各方面都较为优胜。火锅食材多选择、质素高😋，全部都系任食，绝无花假啊。温馨提示：食物份量有啲难预，加上无限时，建议可以慢慢嚟～。
张贴
