十常八九

营业中

休息中

终于有机会试间Cafe啦，好耐之前经过次次都见到有条长龙，早前少少佢就转左攞飞方法等我哋唔使排队，差唔多有位嘅时候会打电话俾你返去。我知道呢间Cafe受欢迎所以安排咗平日佢一开门就去，但点知间Cafe未开门就已经有条队啦。间Cafe其实都系啲得几张枱所以即使我系佢未开门已经到咗都要等食第二轮。因为佢系限时嘅，所以预计一个钟头多少少就有位有得食啦。收到电话就即刻返去餐厅，今次叫咗两个甜品啦都系佢嘅王牌啦，一个系蛋多士，另外一个系栗子雪山。两个都系超级好味呀，个多士好软熟筒蛋味好香，令一个栗子雪山就充满咗好多栗子蓉，入面仲有冻冰冰嘅cream,底层就脆卜卜嘅蛋白饼，一个甜品由不同嘅口感，最重要嘅系佢唔系好甜，啱晒香港人胃口。我哋仲叫咗个桃味嘅茶，个茶配返餐厅个设计，完全系日式口味，唔讲以为去咗日本。最值得赞嘅系佢个茶可以两个人share，仲可以无限添加水，正。