板前割煮 (已結業)

铜锣湾恒和钻石大厦楼上日本食店众多，要试真系有排试。除左以烧肉，寿司为号召嘅餐厅之外，其中有间同样系板前割煮嘅食店第一时间引去我注意，呢间并唔系属于果个名不乎实嘅板前集团，所以更加令我有兴趣入去试一试～哈！门口只有简单的一个木牌写住はやし，未入去已有好似花之间果种传统小店感觉。我一个被安排就座在寿司吧台前，而在坐嘅五位食客全部都系日本人，心谂今次应该无选择错误，绝对唔系港式吧...餐牌上全部都系日文，汉字都唔多只，侍应又以为我为系日本人只系同我讲日文，最后我用我有限嘅日文水平睇完餐牌，叫左呢份温泉蛋豚肉饭定食($130)。呢份定食除左豚肉饭本身同渍物外，仲有一碗热辣辣嘅乌冬添....渍物种类惊喜度唔高，但见到日本师傅喺你面前细心地放到你面前，再报以一个友善嘅笑容，感觉即时加分。前菜生汤叶真系几掂，每一块食落口都有好清新嘅感觉，浸汤暖暖，菜亦够鲜，好好味！而另一份前菜就系呢个薯仔沙律同样有惊喜，旁边一条条果啲系牛蒡丝，一硬一软嘅口感配合得好好，呢个组合真系绝赞精彩～！温泉蛋豚肉饭送上时已闻到豚肉香味极浓，涨卜卜嘅温泉蛋白里透出诱人嘅蛋黄，未食已经流晒口水...乌冬不花巧，汤底清甜好味，乌