影片
更多
2018-07-29
1410 浏览
现在好多自称私房菜嘅地方，其实都系等于一间餐厅，都系已经定好套餐A,B,C，人少食A餐，人多食B餐，比贵D食C餐，而套餐内容全部系基本野，可以喺外面其他餐厅/酒楼食到，而且十年不变，都唔系真正私房菜。㖊日一大班朋友聚旧，由其中一个朋友负责揾地方，终于享受到真正私房菜。而且十几人每人几百蚊(唔包酒)就可以包场。呢间餐厅喺荔枝角，喺正明爱医院门口，招牌大大个，间餐厅光猛，舒服。它有几个好处。第一、包场唔贵。第二、可以自己带酒唔收开瓶费。第三、门口可以泊车。最重要系我哋食嘅嘢系度身订做，外面食唔到(起码我自己未食过)。我哋有个朋友唔食五荤(其实我都唔知咩叫做五荤)，佢都可以特登做几个菜出来就我哋朋友。- 自家手工制欧式吐司- 巴拿马火腿黄金瓜- 话梅啫喱圣女番茄- 百香果酱汁伴红菜头沙律菜- 花雕醉鸡卷- 黑醋苹果鹅肝- 芝麻叶胡椒猪腩紫米饭- 冰花煎饺- 纸包鱼- 盬烤鸡- 油封班兰猪仔肶- 片片牛小排配创意中式酱汁- 牛油白洒黑松露鲜菌意粉- 姜汁芥籣芝蔴豆酱- 茉莉橙蛋糕人未到齐先，先食住面包吐司，我朋友另外叫左个Scone试。佢哋啲面包和Scone系自己做, 啲欧包唔会太硬但有韧性，
㖊日一大班朋友聚旧，由其中一个朋友负责揾地方，终于享受到真正私房菜。而且十几人每人几百蚊(唔包酒)就可以包场。
呢间餐厅喺荔枝角，喺正明爱医院门口，招牌大大个，间餐厅光猛，舒服。
它有几个好处。第一、包场唔贵。第二、可以自己带酒唔收开瓶费。第三、门口可以泊车。最重要系我哋食嘅嘢系度身订做，外面食唔到(起码我自己未食过)。我哋有个朋友唔食五荤(其实我都唔知咩叫做五荤)，佢都可以特登做几个菜出来就我哋朋友。
- 自家手工制欧式吐司
- 巴拿马火腿黄金瓜
- 话梅啫喱圣女番茄
- 百香果酱汁伴红菜头沙律菜
- 花雕醉鸡卷
- 黑醋苹果鹅肝
- 芝麻叶胡椒猪腩紫米饭
- 冰花煎饺
- 纸包鱼
- 盬烤鸡
- 油封班兰猪仔肶
- 片片牛小排配创意中式酱汁
- 牛油白洒黑松露鲜菌意粉
- 姜汁芥籣芝蔴豆酱
- 茉莉橙蛋糕
人未到齐先，先食住面包吐司，我朋友另外叫左个Scone试。佢哋啲面包和Scone系自己做, 啲欧包唔会太硬但有韧性，好有口感，好食，味道好似成日排长龙卖欧包𠮶间店。完来佢哋嘅欧包，可以一个个买走，唔一定要堂食。
再嚟番茄啫哩和巴拿马火腿哈密瓜。番茄配啫哩冰冰凉凉，酸酸味味，番茄同啫哩好夹，好一个开胃菜。巴拿马火腿哈密瓜就比较大路，无咩特别。
沙律菜新鲜，食落索索声，个sauce好味。
跟住就系醉鸡卷，有酒香但唔会太浓味，外面通常都系食醉鸡，唔系醉鸡卷，而且有啲一系酒味道好淡，一系酒味道太浓而且涩。这个酒味适中，我钟意。
再黎系黑醋苹果鹅肝，我自己就一般般，但我D朋友就几钟意。
反而个芝麻叶胡椒猪腩紫米饭我就好欣赏，用芝麻叶包住胡椒猪腩和紫米饭再加少少蒜头一齐食，一流，好fresh，唔油，我哋系咁要求加饭，芝麻叶和蒜头。
个冰花饺又系佢哋自己包，唔系交货个种。而且辣椒酱又系自己炒，我哋试左鸡肉饺，猪肉饺同斋饺，如果对比起我食过外面饺子专卖店，佢哋有过之而无不及，而且皮够薄刚刚好。
通常外面都系纸包骨，纸包鱼就未见过，我都系第一次食，我冇理由咁老土写鱼有鱼味，不过真系好有鱼味和好嫩滑。
佢哋只烤鸡，我都系好似电视机里面啲人讲个句“好好食”，通常西式餐厅嘅烤鸡d肉好鞋好干，微温。但系佢哋啲肉好嫩滑，好有鸡味，热辣辣。切开𠮶时，好多肉汁流出，睇见就想食。个靓女厨师话好多客人会特登过嚟食只鸡。
食到呢度，我哋其实已经食得好饱。跟著就系猪仔肶和片片牛小排一齐上。Tataki牛肉好嫩滑，又有肉味，个创意中式酱汁酸酸地，好配。而且牛肉一片片上，唔会畀人觉得好heavy，食食下，食多咗都唔觉。因为真系食得好饱，所以个猪肶仔我食咗少少，唔记得咩味道。
鲜菌意粉和姜汁芥籣就唔多介绍啦。
最后系茉莉橙蛋糕，个蛋糕又系佢哋自己整，好有橙味，唔太甜，刚刚好。我朋友想打包但已经比我哋一早清晒。
总括来讲，呢间餐厅系由两位年青厨师开，佢哋系两姊妹，以上所有菜都系佢哋自己设计和整，两个都好有心机，D菜式又特别，真系有私房菜feel， 而且味道仲好好，值得鼓励和诚意推荐。
张贴
