原藝

营业中

休息中

.⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯original art 以「原艺」为名，听讲厨师系法国蓝带大厨，重视「厨技」与「艺术」嘅结合，摆脱一般公式化嘅流水制作。餐厅新餐牌主题为「Plate to Share」，适合约会或者闺蜜相聚，希望客人能体会独乐乐不如众乐乐。蟹肉蕃茄莎莎配巴马火腿$98 底下铺满左新鲜嘅沙律菜，油炸过嘅多士好松脆，配上蟹肉蕃茄莎莎同巴马火腿，咸香同埋酸甜嘅味道配合得好好！口感好特别！明太子虾意粉$148呢个系我食过最好食嘅明太子意粉！平时出去食明太子意粉，总系会遇上唔够多明太子/啲汁好浠，或者系两者调和得唔够好。但系呢个意粉明太子量系好够诚意！成个意粉充满咗明太子𠮶种独有嘅鲜味，而酱料都做到好挂汁。马来风味烧羊架$288烧羊架大大份，有四件左右，外脆内嫩，最欣赏餐厅嘅系佢每一份餐点都可以做到肉同埋菜各占相约份量，配菜有彩色甜椒，车厘茄等等，好健康！配菜我选择咗威士忌风味炒杂菌$58份量都好多，加上左威士忌有种甜甜嘅酒香，配上少少蒜蓉，令人忍唔住一啖接一啖！餐饮方面我选择咗热情果同埋菠萝梳打！$58如果唔想错过其他好介绍，记得follow我呀😘多谢大家！