雲南啊老表黑山羊湯鍋米綫 (已搬遷) 新店位置

夜晚10点几，晚饭都未食，劲肚饿，行过有间云南黑羊汤锅米线，乜都唔理冲左入去。内部装修平民化一d，不过胜在地方阔落，坐得都算舒服。一睇倒个餐牌，牛羊米线？真系好想试下，大碗大个个洗面盘，我地梗系叫细碗啦～仲有$38去边度揾？一人叫左个米线，我要【牛羊双拼米线】，朋友仔叫 【牛腩清汤米线】、加左【避风塘麻辣鸡翼】。【牛羊米线双拼米线】，羊肉味唔会有阵骚味，食落感觉同牛肉分别不大，麻辣汤够惹味，不过辣度唔太够。【避风塘鸡翼】，原本以为系好多炸蒜头果只，误会了，食落好似煎鸡翼咁。【牛腩清汤米线】，牛腩食落好淋，清汤味道一流。埋单$108，十分超值。