皇玥

营业中

休息中

有公司送左张皇玥月饼券，于是就试下半岛总厨自立门户既奶黄月饼，系咪有大师级既水准。事先声明，我系未食过「半路酒店」既月饼，所以有机会食皇玥既月饼，都几期待。终于攞到手，一个手饰箱装住啲月饼，好华丽既装潢，grant 得来又可以重用。切黎食啦！外皮系蛋黄酥皮，好靓亦都好好味，几重蛋黄香，加分到食奶黄啦！唔似得其他饼家，佢哋既奶黄无乜蛋黄粒，但个奶黄好 creamy , 都几重奶黄味，口感虽然无有粒粒蛋黄咁开心，但食落去，系有浓浓既奶黄味。到流心既部分啦！我食第一个果阵，系就咁从雪柜拎出嚟食既，无叮过，但仍然食到流动既奶黄，厉利👍🏻，但因为系流心，所以系经过左啲特别处理，所以奶油味会偏重，无乜蛋黄香，但呢个都系可以理解既。整体黎讲，我会俾呢个流心奶黄月饼 4-4.5 ⭐️⭐️⭐️⭐️/5。个人觉得，流心奶黄，皇玥好食过陈慧琳食开果间。下次，想试返佢地传统奶黄月饼。