影片
更多
2020-05-30
7242 浏览
几个月冇见班老友记系时候约佢哋出嚟见吓见，咁啱喱排有返真嘅自助餐一于就去食buffet啦！拣咗最多嘢食嘅花月庭任食两粒钟每人都系398蚊，有生蚝、刺身、龙虾仲有鬼死咁多其它嘢食甜品系KitKat主题，个个都揾到啱嘢食唔使谂食乜咁头痛。 一入到揾食区见到师傅切紧脆卜卜嘅烧腩肉，乜都唔使讲整番几件食先啦真系好鬼香脆。 原来喱个位会轮流出其它烤肉好似我钟意嘅牛肉、猪手同埋羊架都有。 向右行见到有老婆大人最like嘅西班牙风干火腿仲系24个月添，跟住仲有啲前菜同埋芝士咁！ 冻海鲜都有好几款翡翠螺、雪花蟹爪、蓝青口、龙虾钳、新西兰青口海虾都好新鲜㖞！ 隔离有沙律吧钟意清清哋嘅朋友可以自己沟到啱心水为止。 刺身则有7款拣三文鱼、鲷鱼、吞拿鱼、油甘鱼、鱿鱼、八爪鱼仲有马刀贝，您又钟意食邉样？ 生蚝系美国货即开即食够干净企理，今晚起码砌返半打先收口！ 隔离有长长嘅热食枱位置，先有吉列炸鸡、味噌吉列猪扒、吉列杂菜，跟住仲有炉端烧𠮶个板烧澳洲M5和牛后腰脊肉引到我呢！ 然后系一轮中西热食，最特别又吸引我嘅系谷咕烩牛肋条，究竟朱古力加牛系咩味呢？ 长龙食物一定系任食嘅牛油
一入到揾食区见到师傅切紧脆卜卜嘅烧腩肉，乜都唔使讲整番几件食先啦真系好鬼香脆。
原来喱个位会轮流出其它烤肉好似我钟意嘅牛肉、猪手同埋羊架都有。
向右行见到有老婆大人最like嘅西班牙风干火腿仲系24个月添，跟住仲有啲前菜同埋芝士咁！
冻海鲜都有好几款翡翠螺、雪花蟹爪、蓝青口、龙虾钳、新西兰青口海虾都好新鲜㖞！
隔离有沙律吧钟意清清哋嘅朋友可以自己沟到啱心水为止。
刺身则有7款拣三文鱼、鲷鱼、吞拿鱼、油甘鱼、鱿鱼、八爪鱼仲有马刀贝，您又钟意食邉样？
生蚝系美国货即开即食够干净企理，今晚起码砌返半打先收口！
隔离有长长嘅热食枱位置，先有吉列炸鸡、味噌吉列猪扒、吉列杂菜，跟住仲有炉端烧𠮶个板烧澳洲M5和牛后腰脊肉引到我呢！
然后系一轮中西热食，最特别又吸引我嘅系谷咕烩牛肋条，究竟朱古力加牛系咩味呢？
长龙食物一定系任食嘅牛油芝士汁火炙龙虾同埋香煎鸭肝配苹果蓉酱啦，两样都好味要排多几转先得。
跟住仲有印度咖喱同埋日式嘅关东煮同乌冬。
继续行有老婆大人至钟意食嘅海南鸡饭、姜葱沙巴龙趸煲、松叶蟹膏杂炊、南瓜忌廉汤、姬松茸甘笋唐排汤仲有面包同素菜。
饮品系自助形式放咗冻水、红茶、咖啡机同气水机，实行自己飮品自己搅掂。
到甜品枱生果、雪糕、中西甜点就梗系有啦！不过最正就梗系有靓又抵死嘅KitKat甜品啦！
睇嘢食睇到个肚都打鼓快快手攞嘢食开餐喇喂！
整杯橙汁后先叹海南鸡同猪手，两样都唔错可以返兜。
不过烧牛肉仲正粉嫩嘅肉色好吸引，食落香又淋加埋肉汁食一流。
喺星期一至四嚟食仲有明太子帆立贝北海烧一只送，大大只嘅帆立贝好新鲜个酱好香，连带下面啲薯蓉都好鬼正。
之后整件爆胆固醇香煎鸭肝今夜无悔哈哈哈哈哈！
24个月的西班牙风干火腿系老婆大人嘅至爱我梗系要拎一大碟贡献比佢啦！
生蚝涨卜卜好肥美，男人嘛就食多几只补补身啦嘿！！
冻海鲜都够新鲜不过懒得剥壳，好彩有个体贴嘅老婆剥晒壳比我叹抵我锡晒佢！
刺身我不嬲都几重视喱道嘅好靓好新鲜我都食咗唔少！
热食我就最钟意下面喱两样牛，呢个板烧澳洲M5和牛后腰脊肉又香又淋好鬼正。
喱个谷咕烩牛肋条就够晒特别真系从来都冇试过朱古力煮嘅牛肉，估唔到又几鬼夹味㖞值得试呀。
甜品我唔算太好不过老婆大人钟意食我梗系舍命陪老婆啦，𠮶件芒果朱古力千层酥唔会好甜但又好松脆真系几好味。
花月庭 La Scala 电话号码：26226154
地址：旺角太子道西193号帝京酒店2楼
张贴
