影片
更多
2016-04-28
1663 浏览
放工后接埋女朋友去黄金买野，行完之后见就尼8点都未食饭，就近近地去左正宗上海生煎皇食啦。其实一向都有食开旺角果间，都觉得佢啲野做得唔错，可惜今日系深水埗依一餐，除左招牌包点外，其余都大失所望，究竟系唔同师傅既问题，定系除左招牌菜之外，其余既都不值得一试呢?!先讲下食左咩先啦，尼得食间店，梗系要食佢既生煎包啦~ 佢地既生煎包都真系不愧系生煎皇，皮薄多汁，外脆内软，唔会因为煎过而满口油，肉既SIZE适中，唔会太大而觉腻，但又唔会太细而好似冇咩肉食咁~ 不过讲咁耐，其实重点都系佢可以保留住佢既肉汁，真系多汁都会喷汁架!!! 唔好睇佢上台果时扁扁地，个样好似冇咩特别就大啖咬落去，其实佢入面充满肉汁，一唔小心仲会喷到对面添(我件裇衫就系咁中左招 =.=") 所以建议大家都系小心D食好~之后就食左蟹粉小笼包。其实依间店既包点真系做得几出色，同生煎包一样，佢既小笼包都一样系皮薄多汁，所以都要小心食，以防喷汁。今次我地第一次食蟹粉小笼包，果然冇令我地失望，蟹味好浓，咬开左仲见到入面既馅有一丝丝蟹肉，份量虽然唔系话好多，但至少系可以见到落坚料去整既，虽然价钱比普通小笼包贵一倍，但总算贵得有道理。好可惜佢
先讲下食左咩先啦，尼得食间店，梗系要食佢既生煎包啦~ 佢地既生煎包都真系不愧系生煎皇，皮薄多汁，外脆内软，唔会因为煎过而满口油，肉既SIZE适中，唔会太大而觉腻，但又唔会太细而好似冇咩肉食咁~
不过讲咁耐，其实重点都系佢可以保留住佢既肉汁，真系多汁都会喷汁架!!! 唔好睇佢上台果时扁扁地，个样好似冇咩特别就大啖咬落去，其实佢入面充满肉汁，一唔小心仲会喷到对面添(我件裇衫就系咁中左招 =.=") 所以建议大家都系小心D食好~之后就食左蟹粉小笼包。其实依间店既包点真系做得几出色，同生煎包一样，佢既小笼包都一样系皮薄多汁，所以都要小心食，以防喷汁。
今次我地第一次食蟹粉小笼包，果然冇令我地失望，蟹味好浓，咬开左仲见到入面既馅有一丝丝蟹肉，份量虽然唔系话好多，但至少系可以见到落坚料去整既，虽然价钱比普通小笼包贵一倍，但总算贵得有道理。好可惜佢其他食物就令我地好失望啦。前菜我地叫左青瓜海蜇同川味无骨凤爪，先讲青瓜海蜇，其实我本人原意系想食海蜇既，但一上到尼，依~咁少海蜇既，再夹条尼食，冇味架㖞~ 虽然成堆蒜头铺左系面，但条海蜇一D味都冇，真系有D失望。好在佢D青瓜都几爽脆清甜，选料都唔错，算系不过不失啦~
不过低处未算低，个川味无骨凤爪至系真正冇味冇道，其实本身唔太知川味即系咩，不过同个"川"字有关，理论上都估佢系辣既~ 点知一食，唔好讲话辣，直头好似食紧白焯凤爪咁，咩味都冇，而且因为佢用左炸过既凤爪尼做(即系类似酒楼点心果D)，所以我女友形容佢为摊冻左既豉汁凤爪走豉汁 XD 大家不妨自行脑补下系咩味道 (咪就系冇味啰 =.=")
主食就叫左个芝麻酱五丝冷面，芝麻酱落得几重手，所以唔会有唔够味既情况，而且配料都几足，不过今次就到个面出事啦! 个面份量其实几多，不过好干，干到捞埋酱汁都仲系觉得佢好难吞，加上面质唔弹牙，仲有少少削，所以依个都系NO GOOD!
最后仲叫左个酸辣汤，个汤其实几足料，有好多荀啊木耳啊肉丝啊果D，不过就略嫌太"杰"同唔够辣，得个酸字，但总算比上面3款好~
总括尼讲，正宗上海生煎皇除左包点，其他菜色都好一般，如果大家有意去食，建议大家都系主攻包点就好啦~
张贴
