東京一番 (已結業)

见团购咁平所以买左，结果真系伏伏地。先讲服务态度参差，长期漏单，枱面碟晒一碟碟食完既碟冇人收，加茶小姐话你可以出去自己加茶，一边帮客人加茶一边咁讲。鱼生师傅超唔卫生，见到两个男师傅一路整一路流汗，仲有师傅一路整寿司鱼生摸风扇！卫生程度认真麻麻！加上佢地既鱼生放晒一个柜切好晒，感觉好唔新鲜，鱼生选择好少，永远同点既数量唔同，多数俾少。无左既鱼生讲都唔讲声，要问侍应点解冇俾，佢走去问先知冇晒个只鱼生，what??!仲有所谓推介既虎虾泰国酸甜辣酱，问个侍应有冇，佢答未整。好啦转头问第二个，佢话佢都唔清楚。喂大佬，问下你老顶啦，客人问完佢，佢即刻话佢都唔清楚，咁都有既，今时今日咩服务态度！隔离大枱食客仲惨，落四五次单都走单，问侍应，侍应一味净系话你地再落啦，落极都冇好惨！侍应就话，我都唔知嫁，交左单啦。好野㖞，做得咁难顶唔好做啦。综合：鱼生选择少唔新鲜，冇咩味道。得希灵鱼比较好味。寿司多款但味道一般。芒果寿司加辣酱好怪！雪糕选择少，用黎掘雪糕既匙巾浸落既水望落好似好耐冇人换过，卫生一般，所以试都唔够试。一次团购就够喇，冇谓再试。是日星期六晚上去到，依然冇满座，长此下去，只有祝佢地好运喇！