唯珍上海麵家 (已結業)

好多年前已系openrice度见到呢间既好评, 但因为呢间野系唔起眼, 有时行过个头都唔记得, 所以都未试过.今晚去开个头想食面, 突然记得呢间唯珍.醒唔起最招牌既系咩野𩠌, 惟有叫碗安全既上海菜肉云吞幼面($22). 碗面唔系好大碗, 有4粒菜肉云吞, 但粒粒都几大粒 先饮啖汤, 系猪骨汤, 当然唔系日式猪骨汤啦, 亦唔系味精汤, 好味 . 再食一粒菜肉云吞, 哗!! 好好味, 好惊喜!! 亦都明白点解呢间唔起眼既面店咁多好评. 虽然d皮唔系好薄, 个馅亦系少肉多菜, 但佢地馅既调味系好好味, 仲有汤汁响里面, 所以系好正, 仲系我食过咁多间菜肉云吞最好味既一间呢! 跟住再食既上海面都因为俾菜肉云吞抢晒镜而暗然失色.我见好多食客都order北京馅饼, 等我下次都试下先. 但我下次一定会食净上海菜肉云吞!! 已家谂起都回味呀!!!PS. 见其他食评话个女老板态度麻麻, 但系今晚我见到既伙计, 个个都好nice呢!!