大盛日本料理 (已結業)

呢间未开任何分店之前..我成日都会o黎食(o个时新蒲岗呢间仲系好细o架咋.. 仲未食埋旁边个铺位) ... 开左山林道.. 依家又开埋o系观塘之后... 唔知系咪名气大o左呢.. 佢o既水准每况如下.. 我大大话话都成2个月冇去咯.. 上个星期六又心思思想去番..点知.....唉!!!2个人order 左:1) 缦鱼寿司: 有阵怪味.. 腥腥地咁.. 同埋一d 汁都冇.. 干争争..2) 带子寿司: 有条头发系上面呀.. ~.~ 大打折扣...带子虽然好大旧.. 好厚.. 有口感.. 但系第一个印象已经对呢件寿司反感喇..3) 三文鱼拚墨鱼刺身: 今次三文鱼4小块.. 感觉唔系太新鲜.. 而墨鱼刺身反而几好.. 有咬口.. 几好食..4) 鸡软骨: 普通5) 泡菜牛肉锅: 全晚呢个最好食.. 最正常...唉.. 我对大盛真系开始失望.. 以前未出名.. d 师父好似好有心机去整o野食.. 味道比依家真系好几倍...但系依家愈o黎愈多人.. 整出o黎o既o野比以前求其左好多.. 唔通真系名气大左而招积.. ??!!