花園餐廳 (東廣場) (已結業)

好耐都冇嚟过花园餐厅锯扒，以前记得细细个去到旺角就好想去花园餐厅锯扒，后尾我记得好似转左舖头选择左另外一间叫做第尾牛扒，我唔记得咗咩原因系咪因为佢好食啲啊？今次喺观塘谂唔到食乜见到花园餐厅，咦都好㖞，横掂咁耐无帮衬，一于今晚锯扒，去到间餐厅环境都好大，装修就系以前𠮶啲，我餐牌都冇睇就话要T骨牛扒，我记得细细个𠮶块T骨系大到吓死人，我选择咗红汤，即系罗宋汤，餐包同汤嚟到，嘅味道都系我印象中𠮶啲，方法T骨牛扒嚟到，点解我觉得以前大好多嘅？不过算啦我冇所谓，我选择左蒜蓉汁，当我食返牛扒嘅时候，我发现咗一个问题，原来有啲嘢变咗就返唔到转头，可能近呢十年八载都系食一啲冇腌过嘅牛扒，当食返一啲有腌咗嘅牛扒就唔系好钟意食，佢又唔系唔好食只不过我唔钟意食，不过叫咗就费事嘥啦，点都会食晒佢。我想食下谂到佢似咩啦，就系我记得以前花园餐厅同大家乐系有分别㗎，依家就好接近，咁所以⋯⋯