百份百餐廳 (華景商場)

营业中

休息中

咁啱系附近做野，都唔系好熟附近有咩好食，又系见到呢间百分百，真系所有屋村商场都有一间，唔紧要啦，都系谂住食个快饭啫，其实茶餐厅质素黎讲，佢都唔算差，起码都坐得几舒服。先讲食物质素先，今日叫左葱香鸡扒饭，其实本身想食猪扒，不过猪扒无晒，所以唯有食鸡扒，真心鸡扒煎得几香口，仲有肉汁喺里面，D葱油好香，配合一齐真系好好味。餐饮叫左杯冻奶茶，茶味唔够浓，奶味偏重，我自己唔太钟意。其实一间连锁餐厅，食物正常唔会太差，价钱亦都合理，但真系唔明点解大部分分店D员工都系咁差，成日企晒喺后面，前面枱客人叫极都唔理，可能呢D系店舖风格，但我真系唔识欣赏。