名苑酒家 (已結業)

阿妈都会偷懒，话天气冻唔想煮饭，更唔想洗碗喔，拉左我同妹来湾仔间名苑解决晚餐。估唔到咁冻既天气都有好多人去酒楼食饭，好似街市咁热闹，我同妹争住要点菜，最后俾阿妈罗左个话事权= =黄金脆皮鸡，阿妈无鸡不欢，所以次次吃饭都要叫呢味，不过都唔错，好好味，好香好脆，鸡肉相当的嫩，虽然好热气，都唔理得咁，食左先算。纽西兰烤羊鞍，我地叫左4件，最后果件落入阿妹个嘴度，真激气！真系好好味，够入味，又够霖！瑶柱鸡粒豆腐煲，专门叫来伴饭的，豆腐又白又滑，又美颜，食得过！青菜我地叫左蜡味炒芥兰，阿妈话呢个时节的芥兰好靓，果然好好味，炒到D芥兰好爽脆，蜡味又够香，正啊！睇黎呢个冬天来名苑食饭系少不了！