泰國人海南雞 (弼街) (已結業)

我同朋友黎食，我地全部人in total叫左3个4人套餐，由于我迟到，我只系见到海南鸡、咖哩、冬荫功汤同猪颈肉。海南鸡好有味，唔似出面啲海南鸡成日都无味，而且滑得黎又唔系好肥腻，我愈食愈想食，好好味!! 由于我地多人，我地红、黄、青咖哩全部都有试，红咖哩最好味，同一般咖哩差唔多，辣度同香味还好。黄、青咖哩都麻麻地，太甜，又香味欠奉，尤其系青果种，不过听讲青咖哩系用黎配海鲜食，唔知铺头既青咖哩唔好味系因为搭配有问题定系整得唔好食啦。冬荫功汤我自己唔饮，不过听朋友讲麻麻地。猪颈肉烧一烧再用少少香草调味，简简单单但系味道都唔错。虽然食物质素一般，但系80几蚊per head都算几抵食，而且我地10几人食左差唔多2个几钟都无赶我地，服务都算唔错。