利苑酒家 (已結業)

这是我第一次写食评。今晚同妈咪庆祝生日，一向都系食美心集团中菜，今年想食好些，去过好几间利苑服务及食品都好好，沙田分店对两老比较就脚，所以选了这间，一去到reception 已经有点减分，我去到话book 咗枱同有个蛋糕麻烦佢地放雪柜，reception 完全无招呼只是说’Booking已经有人到咗，64号枱你自己入去啦蛋糕放喺度得啦！‘ 完全冇接手我手上蛋糕冇理我，咁我只有放低蛋糕自己行入去啰。叫咗一个10人套餐，菜肴都麻麻，翠园好食过好多，仲唔洗咁贵。到切蛋糕一还，真系最差的一件事，waitress 无准备火机，分蛋糕时，比我地见到佢把蛋糕上的白桃跌在地下浪费了，跟著有另一白桃跌咗有枱上，我地都无出声话佢，睇睇佢有冇执返，佢居然执返跌系枱度果旧桃俾我哋食，佢仲无讲比我地知系跌咗系枱度，我地问佢，佢都话冇所谓啦只系跌咗落枱面咋嘛！😣仲要收$100 切饼费，真系好差。埋单时同经理讲返件事，佢免咗切饼费☺️，但真心想佢地要改善一下。