維記咖啡

营业中

休息中

每一次黎维记都唔敢 Lunch Time，因为由12:30 开始就要排队，而家重要系夏天时份，几想食吓个猪润面都要忍到2:00 后先去，嘻嘻，今日就2:30先去，但都只系得番少少位，好彩我哋两个人，点都迫迫哋迫入去坐底先，大家都咁熟所以都唔洗点招待我哋，一黎就叫左个餐润面同餐肠米，都系好快的一碗满到泻咁济的餐润米到先，系我今日比较肚饿定系比少左啲米粉呢，食完都好似唔系好饱咁……往日啲米粉同猪润都系食极都食唔完，可能维记都逃唔过通胀问题，比少左啲料…..不过无论如何我都系支持维记，事关香港啲哋道嘢真系买少见少，咁如果个老板见到呢篇文章都可以改善一吓，好食又有特色的舖头要支持住呀，加少少价我都唔介意，希望可以重拾番昔日食极都食唔完的感觉就最好喇！