大圍小食

营业中

休息中

大围小食对大围嘅街坊来讲都系可以话细细个已经食佢大，咁紧系啦佢已经系间大围嘅老店，屹立咗一个好长嘅时间，每一样野都好抵食。喺呢度，你可以食到多款街头小食，烧卖鱼蛋、鱼肉碗仔翅、炸大肠、煎酿三宝、串烧等等呢啲就唔在讲啦。除左小食，亦都有一啲主食又或者可以摆上枱加𩠌都得，就好似狗仔粉、车仔面、韮菜猪红猪肠咁。炸大肠炸得非常香口，配埋甜酱芥辣食风味更佳。韮菜猪红猪肠，猪肠洗得十分干净，完全冇异味。猪红爽口唔易散，韮菜鲜嫩入味。鱼蛋嘅辣汁好辣好过瘾。车仔面十分足料，选择亦都十分之多，配埋猪皮、猪红、鱼皮饺、牛丸等材料食十分满足，加少少鱼蛋嘅辣汁食更加正。呢间街头小食嘅总汇，真系绝不能错过。