漢斯 (已結業)

今日赶时间，见呢度光线企理，就入咗嚟依度食。已经过咗午饭时间所以冇乜人。呢度嘅待应非常好客，态度诚恳，介绍我哋食英式全餐，另外因应自己嘅喜好拣咗鳗鱼饭。原来餐厅试业中，侍应邀请我哋晚市再嚟，因为晚市嘅餐牌会比较丰富，午市因为呢一区人少，所以选择就少好多，不过始终少去呢区。奶茶茶味较重，未算好滑，吊下奶茶瘾尚可接受。细心睇吓原来呢度主打嘅系健康嘅茶餐，餐牌都写明唔会落色素同埋味精，食起上嚟感觉似住家菜，亦都真系唔油腻。$68蒲烧鳗鱼饭，鳗鱼大大块好抵食，肉质嫩滑唔算玫，鳗鱼嘅尾部比较多骨，但系算系可接受可吞咽嘅硬度。饭质烟韧，可惜鳗鱼汁感觉似甜豉油多于日本鳗鱼汁。整体感觉食完系清新舒服嘅。⬇️英式早餐多士烤得刚好，滑蛋够滑，薯饼脆但不油腻，蘑菇好有牛油香，脆皮肠名符其实。如果蕃茄稍为香煎更好。