朴先生韓國快餐 (已結業)

行过见到呢间韩国小店，见到个老板好似或者可能都系韩国人（其实望落听到佢讲嘢真系唔觉得佢系韩国人😅😅），谂翻起上一手个老板整嘅嘢食都好好食，特别系紫菜包饭，所以就打算试吓呢一间。一开始谂住试下佢个迷你紫菜包饭，但系点睇都净系见到个黄萝卜，见佢隔离张相明明有红萝卜等等其他配料，一拎起嚟睇，最多都净系见到仲有鸡蛋，之后就咩配料都睇唔到，所以就冇要到🫠本身就想嗌同场另一间出名嘅韩式炸鸡，咁岩见到佢呢间都有，而且张相望落都几吸引，谂住58蚊可能会大份啲又系「韩国人」整就试试佢啦～除咗炸鸡仲买咗个$38嘅炸酱面，我自己就麻麻地炸酱面，但系男朋友想试下就try try佢。一过去嚟就见到两个发泡胶盒，翻到位一打开就心知不妙，炸酱面个样比起炸鸡望落已经算好，但系食落去真系好咸，男朋友表示好似韩国即食𠮶啲炸酱面，而且我觉得一啲都唔好食🫠🫠另外个炸鸡真系…..一打开就见到啲鸡同年糕喺pat水状嘅汁度，见到有其他食评话佢似炸完之后用微波炉叮翻热，我真系十分认同！啲鸡另外再切到好细旧，而且完全冇炸嘅感觉，咬落去个口感一啲都唔实，软濑濑咁，而且个汁真系好难食，根本就唔系所谓嘅「甜辣」，每一啖食落口都唔知点解𠮶阵味