Sugar Lava (已結業)

店入面嘅地方唔系好大，但都可以容纳到几个人，可以拣堂食或者外卖。3个店员都好nice。听说有店员系日本学过点样整梳乎厘， 返黎教其他店员，所以个个店员都整得好专业。 更加听说平日嘅下昼同埋放工之后好多人大排长龙。 梗系啦!因为个梳乎厘系即叫即做㗎! 要等15至20分钟先有得食。 而且𠮶啲步骤都好繁复，估唔到看似简单嘅梳乎厘，原来有咁多嘅工序。 而且感受到店员𠮶份认真同埋用心嘅态度去制作梳乎厘。分别试咗两款梳乎厘，一款系新口味嘅日本薄荷朱古力梳乎厘, 另一款就拣日式原味梳乎厘班戟。 左边系朱古力味，右边系薄荷味， 上面蓝色𠮶啲就系薄荷酱，加咗一啲oreo嘅曲奇饼同埋薄荷朱古力。 两款都好有空气感，一啲都唔甜，成个味道都好夹，连唔钟意食甜品的老公都冇停过手，好快就食晒啦! 呢款比较似芝士蛋糕，有好香嘅蛋味， 而且啲士多啤梨酱好香，店员仲同我哋讲，如果唔够酱可以再加。 忌廉好滑， 一啲都唔膻。下次再试下其他味道先。