夢工房西日料理 (已結業)

今日嚟到葵芳，估唔到葵芳竟然都有日式放题，价钱仲好抵，闲日19:00前入座价钱系$158位⋯⋯哗！呢个时势呢个价钱真系好难得！未食过都好，一试无妨啦！ 店内都算宽敞，装修有点儿西式化，似食西餐的架局！ 近门口位有饮品自助吧，仲有甜品自助吧！ 同一般的放题无异，都系划纸仔，简单易明！食放题，首轮一定系拣刺身啦～店员好有礼貌地接过我们已划好的order纸, 等了五分钟都未到，令人唾涎的刺身拼盘好快便呈上⋯睇得出师傅真系好俾比机㖞，因为个刺身拼盘堆砌得真系好吸引，而且有发光装置，仲有喷烟特效！！劲呀！未食都先俾个like先！ 另加$78/位仲可以任食生蚝同松叶蟹段！生蚝系至爱，唔加钱任食就对唔住自己～ 生蚝真系好大只，有手板咁大！而且仲肥嘟嘟，肉好厚！松叶蟹棒虽然每次上少少，但蟹肉鲜甜，口感实在喔！甜虾size有手指般大只，肉质鲜甜，唔错！其他刺身都可以。 食完一轮刺身，跟住就到热食，热食选择都几多，蟹粥、炸蚝、串烧、天妇罗、清酒煮蚬⋯⋯出面一般放题有的食物，基本上梦工房都有！ 其中最特别，竟然有自选火锅一栏！有三个自选汤底，想食咩汤自己话事！热辣