蕃茄仔

营业中

休息中

哩间餐厅主打蕃茄🍅汤底面食，可以自行配搭唔同既面类🍲同主食，仲可以选择性加配唔同既配菜同饮品，总有一款岩你心水。如果蕃茄🥫唔岩胃口都唔紧要，仍然有惹味拌面或者是日精选汤底既面类提供。炭烧风味鸡扒配刀削面 $62与其话哩个系蕃茄🍅汤底，不如话系蕃茄蓉底。质地非常之稠密同浓厚，食落系酸酸甜甜既清新蕃茄味，配上少少香草既调味，非常有田园🥗既风味，唔似出面好多既蕃茄汤底咁用茄膏﹑茄汁或者糖🧂去调制。望入厨房就见到职员用筛不断过滤蕃茄蓉，所以即使入口浓稠，但完全感觉唔到渣😚。汤底配上大量炸葱蒜🧄同鲜葱粒，更加提升左佢个味道，唔会太单调。至于鸡扒🐔，我觉得好惊喜，外皮煎得好干身而香脆，平时唔食鸡皮既我都忍唔住食哂，一啲都唔肥腻。鸡扒调味简单，食得返鸡肉本身既味💦，加上上面黑色一PAT类似酱油膏咁咸咸地既汁，同成碗蕃茄面好夹。牛魔王(牛腱﹑牛肩)配葛丝 $78朋友话两款牛既部份都煮得软硬适中，牛味🐮香浓。而葛丝就系类似薯粉加粉丝咁，非常索汁同挂汤🍜。其实朋友初初提意食哩间餐厅，我本身无咩期望，本住支持良心店舖💛出发，点知结果系有惊喜，而我都好推荐大家黎试下🤤。