影片
更多
2016-02-02
117 浏览
天气继续咁冻，经过开新蒲岗见到潮福就入去试试，上网睇依度既蒸海鲜食到街知巷闻! 一入到嚟就系酒楼格局，每台都会有顶草帽既物体系台中央。餐牌选择众多，店员通常都会请你出去自设迷你海鲜档度拣海鲜。 睇完一轮真系有些花多眼乱，最后一行三人叫左五种海鲜同半份粥底。点解要用草帽既物体嚟蒸盖? 据介绍依种蒸法系由杭州带嚟香港，由于特别既蒸盖藏有细小空隙排出蒸气，以致例汗水唔会流番食物上，确保食物鲜味得以保存。依度够细心既地方系店员会帮你上食物同计时，唔使下下自己睇住要蒸几耐先熟。先嚟每人一只既日本大元贝皇，大大只，厚实既元贝肉上配有吸收哂精华既蒜蓉粉丝，一咬落口浓郁既鲜味简直系味蕾上爆发! 肉质新鲜无腥味，最正既系元贝壳上仲有丰富既上汤连肉汁，口感够哂湿润! 之后嚟既系花蛞皇，虽然一斤望落去好似好少，但每人都食到7-8粒。每粒都开哂壳，可见自设迷你海鲜档可保证海鲜既新鲜度。每粒花蛞既肉质肥美，咬落去质地既鲜又甜，系屋企自己蒸真系好难有咁既效果。 再嚟系半斤既海南花螺，唔使吩咐店员已自动准备左长竹签。由于时间蒸得刚刚好，螺肉容易脱壳得嚟口感够扎实，食落无沙，可见准备食材时
一入到嚟就系酒楼格局，每台都会有顶草帽既物体系台中央。餐牌选择众多，店员通常都会请你出去自设迷你海鲜档度拣海鲜。
睇完一轮真系有些花多眼乱，最后一行三人叫左五种海鲜同半份粥底。
点解要用草帽既物体嚟蒸盖? 据介绍依种蒸法系由杭州带嚟香港，由于特别既蒸盖藏有细小空隙排出蒸气，以致例汗水唔会流番食物上，确保食物鲜味得以保存。依度够细心既地方系店员会帮你上食物同计时，唔使下下自己睇住要蒸几耐先熟。
先嚟每人一只既日本大元贝皇，大大只，厚实既元贝肉上配有吸收哂精华既蒜蓉粉丝，一咬落口浓郁既鲜味简直系味蕾上爆发! 肉质新鲜无腥味，最正既系元贝壳上仲有丰富既上汤连肉汁，口感够哂湿润!
之后嚟既系花蛞皇，虽然一斤望落去好似好少，但每人都食到7-8粒。每粒都开哂壳，可见自设迷你海鲜档可保证海鲜既新鲜度。每粒花蛞既肉质肥美，咬落去质地既鲜又甜，系屋企自己蒸真系好难有咁既效果。
再嚟系半斤既海南花螺，唔使吩咐店员已自动准备左长竹签。由于时间蒸得刚刚好，螺肉容易脱壳得嚟口感够扎实，食落无沙，可见准备食材时有冲洗干净，配埋系酱吧自制既混酱，简直能勾出清澈香甜既鲜味。
之后嚟既有南非鲍鱼同象牙蚌仔。 鲍鱼口感爽滑，肉质弹牙易咬，配上虫草花透出淡淡清香；
象牙蚌虽然唔系好大只，不过因为新鲜，所以一样爽甜。
当大家食到叫哂好饱既时候， 原来全晚最精彩既部分而家先出现。 粥底经过两个钟左右熬煮， 已经煲到棉烂， 再吸收哂五种海鲜既精话， 真系一粒盐都唔使落都鲜味无穷。当然可以洒几粒大头冲菜粒，有助将海鲜粥味升华。
埋单每人约$400，咁既价钱如果去海鲜档连料加工都未必可以食到依度既质量，下次想食海鲜时又多一个选择啦!
张贴
