焱手工涮涮鍋 (已結業)

《焱手工涮涮锅》台式火锅，呢期盛行，而且都有多间报社杂志报道过当中有名嘅火锅，特意去试一试。晚市有两款套餐选择，我哋就拣选左「焱选套餐」两样份量。前菜有两款，当中包括「柚子沙津」，沙律味道清清地，食落去酸酸甜甜嘅，开胃之选。「鲍捞起手撕鸡」有少辣嘅味道，还有青瓜丝，非常爽口滋味。两杯台式特色餐饮，我点了胚芽珍珠系列中嘅「芋香珍珠」，朋友就点「珍珠奶茶」。「芋香珍珠」非常大杯，好有份量，面头好多麦芽片，饮落去啖啖香浓嘅香芋味道。除此之外，仲有汽水、山楂紫背天葵同埋沙冰系列等等嘅饮品选择。招牌汤底「三味锅」，当中包括火焰清酒煮蚬、养身人参药膳锅同埋青花麻辣锅，特别在「火焰清酒煮蚬」真系识着火架！而且每一款锅底都有唔同嘅鲜甜味道，一次过满足晒我三个愿望。套餐中嘅主角就系「时令海鲜拼盘」，分别有五款海鲜，「大虾」当然系我嘅至爱，一盆有四只，而且非常大只，食落去虾肉爽口，味道好新鲜。「顶级安格斯牛颈脊」份量多，食落去肉质松软，牛味浓郁。「手工火锅拼盘」有五款食物，每一款两件，份量刚刚好。「牛肝菌黑松露饺子」两大只，皮薄馅靓，食落去非常浓郁嘅牛肝菌黑松露味道，新鲜美味。「即炸响铃卷」新鲜炸起，放入