HMV Kafé (已結業)

最近世界杯开锣，想睇波既朋友不妨可以黎HMV kafe，因为佢有个超大既荧幕，睇波一流！我去果日咁岩ViuTv有播，所以唔知其余场次有无喇。黎到既时候仲有一个钟先开波，所以就食左晚餐先。咁岩撞正Happy Hour +$1有得refill多一杯，觉得都几抵，所以叫左杯小王子，同朋友一人share一杯。颜色好靓，但系饮落好似汽水，完全无酒味。芝士宽条面配鲜三文鱼 -  芝士味道浓郁，又唔会好溜。三文鱼都有几多，而且都几大块，同个酱汁味道都几夹。四式芝士Pizza - 正正常常普普通通，芝士味道都算浓郁，个薄饼都脆既。开波喇！所以就叫多左个熔岩芝士薯条及脆烟肉，哈哈成餐都有芝士。粗薯真系好正， 脆烟肉系切到一粒粒融入系d芝士度，所以每一啖都会食到晒晒3样野。另外仲叫多左杯tequila sunrise，普普通通，哈哈呢度都系食野好d。总括而言，d食物都ok，而且又有HMV d歌听，最正系有个咁大既mon睇世界杯！睇黎呢个6月同7月都可以成日黎了。