Eris's Kitchen (已結業)

今日朋友约喺呢度食，我喺D2揾左一阵先揾到，原来就系喺打golf既铺头里面。睇住人地打golf几过瘾，尤其有啲打到好远𠮶啲呯呯声。牛油果有子沙律够新鲜，难得地牛油果都好好味，唔会有种怪怪嘅味道，最怕有时牛油果熟得滞有咁有餐味道又乖，但呢个牛油果啱啱好。夹埋有自己都好电线，唔会有柚子嘅苦涩味。炸鱿鱼须够脆口，有少少嘅咖喱味飘过黎，夹埋个酱，送啤酒吹水一流。除左鱿鱼须份量细啲，份鸭肝都比较微型，好在味道还好，整得几香，又唔太腻，补番份满足感。平时我唔太好食鱼，但今次我竟然觉得煎三文鱼好味过牛扒。牛扒既熟成虽然做得几好，但唔知系扒本身既肉味唔够定做法，个人觉得呢份牛扒有口感，但味道可以再浓啲。而个鱼就整得相当出色，外皮脆卜卜，肉唔会「鞋」，一路食都有鱼油香。呢一份会大力推介。整体黎讲，呢度都不失为一个坐低同fd吹晚水，慢慢食一餐，又唔太贵既好地方。