利寶閣 (已結業)

话说同朋友做完健身之后肚饿到晕，心谂边到附近有就脚既地方可以食放题就好。跟住落到去见到有利宝阁奄仔蟹既易拉架系到，见到有任食和牛，片皮鸭同奄仔蟹，食指大动之下于是就去试下。入到去之后见到环境好宽敞，因为晚上8点过去既关系，所以人唔算特别多。入到去之后阿姐好快安排左个位俾我地坐。奄仔蟹有清蒸同盐焗两种，钟意食蟹本身既鲜味可以点清蒸，想食重口味既当然就食盐焗（无错我只系食左一个清蒸，之后食左好几只盐焗蟹）。但系最亮眼既菜色个人反而觉得系片皮鸭同咕噜肉，片皮鸭因为系即烤即出炉既关系，表皮仍然保持十分之脆皮。另外因为片皮鸭面皮会轮流替换既关系，所以皮唔算特别硬。 而咕噜肉表皮酸中带甜，爽脆得黎入面既猪肉仲系鲜嫩，无过老既迹象。至于打边炉方面，我比较推荐食龙趸肉同和牛。龙趸肉本身肉质比较嫩，轻轻烚完之后加少少蒸鱼鼓油，配搭起来十分鲜甜。而和牛烚5-10秒就已经可以起筷。 至于甜品方面就比较传统，主要系桂花椰汁糕同绿豆沙居多。我比较推荐绿豆沙，煮得耐好「溶」。