木葉 (已結業)

任食牛扒就听到有好多，任食猪仔骨就小见d。见到楼下有大大个宣传牌写住话任食，我个好钟意食肉嘅朋友呢就嗱嗱声话要上去试一试，咁我见到价钱又唔系好贵，就算我食一份扒都要甘嘅价钱。除左猪仔骨之外，配系猪仔骨旁边的薯条同埋杂菜都会系任食嘅。餐前仲会有个虾沙律，另外仲会有一杯嘢饮。啱啱到𠮶阵时候已经见到隔离枱喺度食紧，两个男人会人就各自食一份先，见到旧骨嘅颜色都十分之靓，而且份量都唔细，一条切开的起码都有10几件。如果一个女仔食个话呢其实食半分都已经够饱啦，男士来讲我谂食一份半已经非常之满足，但系我个朋友足足食左两份。。。味道方面都非常之唔错，初头以为佢系喺出面超级市场或者订货返嚟普通嘅猪仔骨，但系食落去啲肉就非常之爽身，而且个味道啱啱好，系西式的烧烤酱味道，唔会好似我之前喺超市买返嚟𠮶只咸到爆。。我觉得值得赞嘅就系服务员嘅态度，其实都非常之好。当客人还需要再添加猪仔骨嘅时候佢依然都系笑面迎人，唔会好似出面咁样一再叫块面黑晒，哈。