四季椰林海南椰子雞 (MOKO新世紀廣場)

营业中

休息中

真系好少食饭会食到咁激气，冇比较冇伤害！食过好多次深圳既四季椰子鸡，每一次都会觉得好happy，今次谂住近近地同朋友喺香港食，点知成班职员都好似食咗屎咁，服务态度极差！餐厅嘅人流唔算多，一开始入到去嘅时候就已经话有90分钟限时，差唔多食完嘅时候，餐厅里面仲有好多张枱吉咗出嚟，职员就已经走埋嚟话，已经够90分钟，出面有好多人排紧队等位，咁我哋就好合作咁执埋嘢去埋单，行到出去嘅时候，完全冇人等位，𠮶下真系嬲到爆！明明冇人排队，俾我哋同朋友一齐倾多一阵偈都唔得！我就同个收银讲，指住出边，冇人排紧队㖞，做咩要话好多人排紧队讲我哋出嚟？佢话有人排紧队啊！擘大眼讲大话！香港嘅经济差真系有道理！星期日谂住留返喺香港消费，都要有啲咁样嘅服务态度，如果你系想食面色同态度差嘅话，呢度一定会系100分！！