雪村

营业中

休息中

路过K11揾午餐食，睇食评话雪村好似赞多过弹，所以决定一试🫣。见menu都有几多选择，最后叫左过沣洲鱼生丼，另外再叫左一客半价原只海胆杯，一件七折鹅肝寿司同一杯七折highball。满心欢喜见到个鱼生丼好似好靓，点知食每件鱼生都又淋又无味，寿司饭完全唔似日式做法，心中已经开始知道不妙，所以食净大半盒饭😑! 到海胆杯上场，第一啖以为食紧蒸蛋，完全无鲜味，而且每啖都有几粒不知名嘅硬物要系个口攞番出黎🤮，佢整个外型都似海胆，所以我只可以话佢唔够新鲜，明白点解会半价促销! 到鹅肝寿司，我全部order食哂都未到，因为我坐寿司枱，所以我直接问寿司师傅，佢解释刚刚件鹅肝烧坏咗，要重新整过，所以要再等多一阵，ok我等，希望件鹅肝寿司会令我改观! 终于等到佢黎，原来好细件，就算7折价钱都唔太抵。一啖咬落去，系又粉又硬，同食老猪膶无乜分别。所以最后都只可以话今餐完全中伏，绝对无下次😤