功夫點心 (已結業)

呢间食过2次，都试过大部分嘢，今次同大家分享边啲伏，边啲无咁伏啦，虾饺，烧卖佢㗎王牌嘢实无事，唔会衰得去边，鲜虾菜苗饺都唔错，棉花鸡入得下口，因为呢样有啲求其，旧棉花有啲干身，奶黄包好大个，但唔好食如果出面开好食㗎流沙奶黄包就无谓试呢间啦会失望，排骨，凤爪，陈川粉，勿试。排骨用得太多梳打粉，浸烂晒啲肉入口即溶，凤爪无味，好似假㗎，陈川粉，我以为食紧冻啲同一旧旧㗎河粉，唔好问我咩味因为无味，蒸饭太湿，一般，煎糯米鸡，睇落好特别，食落好后悔，感觉就系啊妈买咗只糯米鸡，你第二日煎返热黎食咁，呢间嘢有个最吸引之处就系有时段优惠8折，所以先去食