潮興正宗打冷小廚

营业中

休息中

第二回头帮衬，都系忘不了佢嘅鹅肉蚝仔粥同乌头鱼。今次带丽妹好食下好咪嘅打冷。铺头开响长沙湾东京街近李郑屋。铺面都算大。客源都好多，打冷就唔系浪漫野，我哋坐底都系搭台，唔介意啦，因为都算宽敞嘅。四个人一张六人圆台，我哋叫左三个𩠌，呀姐姐好热情咁介绍我哋食鹅脾，话鹅件同鹅脾一定鹅脾啦⋯⋯啖啖肉。之后系蚝仔粥同黄油乌头。之前食过某名人介绍嘅昌记打冷，又贵又难食，潮兴记价钱虽然都唔便，但食物质素好好多，蚝仔粥足料够野咪带干油鱼吊味，加埋芫茜，落埋糊椒粉，就完美喇。条乌头就好新鲜黄油总算是有但唔太多，肉资唔梅无泥味，我最怕食到泥味同腥味，今次系算有水准。鹅脾卤味足肉资都嫩而唔太咸，个人觉得刚好。下次要试下佢啲炒野。