禮品印度餐廳 (已結業)

其实睇完呢度d食评都想去试好耐架喇,所以今日一家4口都一于去试试.我地8点15分到入到个间餐厅,全餐厅得我地一枱客,初初都有d怕架,但试下喇,见d食评几好,咁我地就叫左个4人餐兼叫左个印度咖哩角,佢地上菜既速度真系有d慢,但唔紧要,因为佢地真系即叫即整既,我可以见到个d烤饼,我地一叫仲见到佢整,拿到出黎d food 都系好hot, 所以都冇咩所谓喇, 个餐我地4个食都已经好饱,我推介既系佢既咖哩角,饭同虾。真系好好味,d饭唔同我地食开个d,长长地,个口感好特别架。我地个餐320元,咖哩角20,佢地要收加一既所以我地埋单都380 arround,但佢d service都唔错,仲要一提既系佢最后个甜品,好特别系hot food, 用甘荀丝加左其他野,点点地咁,几特别架。