禮品印度餐廳 (已結業)

記得還在五個多月前第一次吃這店的印度菜, 今天最後一天在這區工作, 竟有機會再來這裏回味一番. 公司的同事都外出, 只剩下奇雲和我, 就車他到這店回味吧. 泊好車, 行到禮品, 正好十二點三, 店內還未有客, 我同樣是選了午餐的 Chicken Tikka + Naan Bread. 今天的餐湯是磨菇湯, 味道其實不錯的, 可是因為我們太早入座, 湯似未準備好, 打得不混沌. 而主菜Chicken Tikka 和 Naan 則和上次一樣, 很味美, 水準保持! 我始終嫌得兩舊雞唔多夠候啫!

經朋友介紹下到了這餐廳, 感覺都尚算ok, 雖然地方細小, 但都坐得幾舒服~店員都幾有禮貌, 個個都好有笑容, 餐亦都好快送上, 味道唔差, 咖哩味道濃郁而發生一陣陣香味~ (應該係d香葉味之類)我地叫左 香燒雞塊 --- 呢個一定要try下, 好好味... 菠菜芝士球 --- 本人覺得幾特別, 味道濃郁, 好多芝士味... 咖哩雞 --- d雞肉好滑好腍, 而且冇咩骨... ( 送飯真係無得頂呀 ) 蒜蓉薄餅 --- 個薄餅烤得好好, 但蒜蓉太少, 冇咩味, 要點d curry 汁一齊食...整體都尚算ok, 價$一般啦, 唔可以話太貴, 比起重慶已經算平,店員服務都好好, 想係香港仔try下印度菜, 都可以不防試試諗諗~

胏到OPENRICE,見到呢間印度餐廳好似幾好咁~今日就同左男朋友黎到試一試‧他們六點開始做晚市,場內坐位有些迫夾....我地去到,雖然我地兩個英文不太好,但好在這裡的餐牌有中英對照,又有些是附有圖添!!佢地既服務態度一流,下下都有笑容‧而食物方面,我地叫左個二人餐$200,食物方面叫左個香燒雞塊,照好味呀!!串燒羊扒...好大件骨...冇咩肉食,但勝在鐵板上檯,好香呀!!原汁咖哩羊肉(好正呀!!)、印式燴茄子(超級辣呀!!)、印度白飯(好有口感呀!!)烤餅:呢個真係絕頂,我地將"原汁咖哩羊肉"D汁攞黎送埋一口食,超好味!!本身以為會食唔飽,但真係飽到上心口!!

一入到去見到得一枱人雖然無人但個感覺好好,好舒服,仲有印度音樂聽坐低左之後就有2塊餅?!其實我都唔知係乜...仲之就係好食仲有2隻汁比你點,一隻係綠色,仲有隻係紅色,綠色係辣既正!叫左咖哩雞,2隻naan蒜蓉+牛油,仲有個白飯幫肥仔叫左小辣,因為佢怕自己食唔到黎到之後個咖哩真係好得,雞既件數都唔小嫁naan就有4塊起初我都驚食唔晒但最尾肥仔都夾硬食埋雖然肥仔叫左小辣但佢都覺得好辣所以唔係好食得辣既朋友就要注意喇另外服務個姐姐真係好好!因為另一台個個女人佢唔食得辣但佢點左勁多綠色既汁之後就叫左姐姐去投訴辣羅!明明係自己唔食得辣就係度怪人唔話佢知!勁衰!

剛從獅城回來, 老細又唔係度, 乘機上開飯尋尋有乜好嘢食, 見到香港仔呢間咖哩好評如潮, 心思思倒想嘗一嘗, 午飯隨即開車到香港仔中心去! 找了一個圈, 踏進店內, 坐位唔多, 因時候尚早, 我一行倆人就找個位坐下, 印度侍應就把餐牌送上, 一般午餐嘅咖哩雞牛羊, 跟飯或 naan bread 就$40蚊, 另有 Tandoori 或 Chicken Tikka 烤雞就多五蚊. (Chicken Tikka 是用無骨雞柳烤嘅, 而Tandoori 則是有骨雞件) 一場嚟到, 當然係試吓滋味又淡淡肉嘅 Chicken Tikka 啦! 落單後, 印度侍應就將罐裝汽水及餐湯送上. 餐湯味道清甜, 內有一舊粟米, 粟粒比平時食開的大粒好多, 好甜! 應該是上等進口貨式. 飲完湯後, 主菜來了, 我的 Chicken Tikka 是跟Naan bread, 旁邊有一兜咖哩. 烤雞件只得兩件, 略嚴少咗d, 我就立刻扯開naan bread嚟點咖哩食, naan bread熱辣辣, 咖哩好香, 味道剛好, 又唔辣. 烤雞件燒得好tender, 啖啖肉, 有水準! 如加多一件雞就無得頂啦! 同

今日已經係唔知第n次被k 小姐拉去呢度食,k對呢間餐館念念不忘,差唔多每次食lunch都嚷着要來,其實,這裡不只食物質素好,老闆,侍應很有人情味呢~~set lunch 有4款,星期一至五午飯時間都係$30--咖哩雞/牛/羊-印度炒麵/炒飯-咖哩海鮮-燒雞(配咖哩)配飲品＋主業配ｎａａｎ／飯＋餐湯(通常係忌廉湯)菜好像是附送的～＊強烈建議嗌ｎａａｎ，因個薄餅底脆包軟！每個咖哩d味都唔一樣,我地一班人覺得咖哩雞最啱口味~燒雞就係second CHOICE!仲有可以介紹俾陪朋友來，但本身唔多鍾意咖哩既朋友，就係印度炒麵！！其實係炒公仔麵，雖然無咩印度特色，但超有鑊氣，一流！佢地個炒飯好似用番印度米，香港人或許不太慣～在一個不趕忙、悠閒的下午，與三五知己享受由印度音樂襯托着出來的一頓飯，最棒，你說是不？哈哈～

家住在附近，加上本人愛吃濃味的東西，但由於家人不好此道，所以遲遲也未吃過，今天爸媽出外了，只有我和弟弟，所以帶了他一起來試試看吧。兩個人，最好點二人餐，什麼也有一點，餐可以選一個頭盤(Starter)、一個烤肉(Tandoori)、兩個咖哩(Curry)、一個薄餅(Naan)、一個飯(Rice)、兩個飲料(Drink)。從來覺得印度及中東的米飯不太好吃，所以特別要求將飯改為薄餅，而餐牌上也寫着兩個咖哩之中一定要其中一個選菜，但在言談間也知道是可以改成兩個都是肉的。先來的是一個小食，印度式的胡椒薄餅，薄薄脆脆的，也充滿了胡椒的刺激，加上一點特式的醬，今天的有薄荷乳酪汁及甜蕃茄汁，但比平時在重慶內吃到的少了一款，慣性的也是覺得薄荷乳酪汁最好吃，但永遠也是不太薄荷的，但就是有乳酪香滑的感覺，而那蕃茄汁也是慣性的甜得要命，但每次也忍不住要點一點，試試才心息。咖哩角(Samosa)，比是一貫印度的風格，沒有港式咖哩角的肉餡，但是素起來也是很開胃的，餡其實是咖哩薯仔及豆碎，充滿茴香，加上焗得鬆熱，沒理由不好吃吧，但仍不是吃過最好的Samosa，因為好像是有點過乾了。烤魚塊(Fish Tikka)，

睇左openrice既食評..男朋友又住香港仔..咁近,,梗係要試一試..我地1人叫左1個curry..1個羊1個牛..一個跟飯,,1個跟薄餅..首先佢黎左個湯..都ok既..有d住家feel..跟住就黎正餐喇..d curry汁都幾好味..羊都唔會"so"牛都不錯..不過d飯有d怪..唔知係咪印度野唔同d..不過個薄餅我幾鍾意..另外佢會俾碟菜你..同埋會有野飲..總括都唔錯..不過香港仔$45又好似有d貴..同埋果度d冷氣好熱..食curry唔係應該要涼d??仲有..我地諗住佢可以簽卡..所以都冇禁錢..點知俾錢既時候..先知道要滿$100先可以簽卡..搞到男朋友要即刻出去禁..除左呢d之外..其他野都不錯!!

是日一行五人第一次去左呢度食lunch, 一入到去都ok無乜野...跟手叫左五個set lunch...叫埋餐飲....仲有湯...最平個餐45$, 都ok丫~跟手佢黎個餐湯, 餐湯份量ok, 味道都可以....餐飲我叫coke, 我諗住佢會拎一杯杯既coke黎, 之但係後尾佢黎既係一鑵鑵既, good.好喇, 主菜出場喇, 我叫咖哩雞, 佢有兩個碗仔既野跟上一個鐡盤....個碗仔既大細係差唔多屋企食飯碗咁大既, 一個係飯一個係餸, 我數一數有幾多舊雞...4舊~同埋佢呢兩碗野...都唔係熱既, 個餸係和暖既, 個飯有小小凍添, 份量對我黎講係小既...味道又唔見得好特別囉, 可以叫係無乜味道既, 用45$食呢兩碗仔野真係見人見智喇, 最後我返到公司係要食其他野保飛...我諗食lunch黎講, 我唔會再去喇

事隔兩年再來,記得之前應該不用$200 一個set for two. 不打緊吧,反正想食印度咖喱.一個set 有一個頭盤,一份燒烤,兩個咖喱(其中一個必須要是vegetable),一個nann,一個飯,兩杯飲品. 分量是蠻多的,需然剛打完波但不算餓,還以為會太多(言下之意,食哂)先奉上兩塊papadoms,sauce 只有兩款,papadoms 本身有點spicy,還不錯頭盤選了炸洋蔥,但這裏的做法不是一個球的,而是一條條,根我在英國常吃的不同燒烤選了tandoori chicken, 雞肉很滑,但味偏淡咖喱選了 chicken masala, 味道不錯,略為少汁,而且不是用鐵鍋上的Vegetable 選了 炒什菜,一般吧Nann 選了 Garlic Nann, 不錯Drinks : 一杯Mango lassi , 一杯 Iced Coffee個人覺得$200 + 10% 在這裏有點貴,反之灣仔有一店更好,價錢亦差不多,且環境更佳這裏缺乏了第一次的驚喜了

豪食團今次去左一個劣評都冇既禮品, 太耐冇集會今次要食餐好既!叫左個四人餐, 個個都食到攬住個肚走 印度薯仔沙律材料有蕃茄, 青瓜, 薯仔, 洋蔥, 仲加左印度香料鐘意食香料既朋友就岩哂! 可以一試 胡椒餅好重胡椒味, 有兩隻醬比你點. 只係知其中一個應該係薄荷, 另一種就唔知道可能因為胡椒味太重, 我頂唔順.. 不過其他團友就食得津津有味 雞件第一樣上既熱食, 岩岩好四件可以一人一件 雞件都幾大舊, 放係鐵板上燒到乾身~因為本人平時食得好淡, 所以覺得佢咸左少少, 但都好味! 蒜香薄餅真係好好味! 有蒜香味又熱, 點埋汁一流 咖哩羊肉羊肉煮到好'林', 唔蘇, 唔痴牙, d 汁都整得好正! 可惜其中一個團友唔食羊, 真係浪費啊~~ 咖啡雞雖然都係咖哩, 但係佢個汁都咖哩羊哥d 唔同, 都好味雞都煮得唔錯, 不過可能係凍鮮雞, 雞唔夠滑, 整體都好味 辣牛肉唔係咖哩汁, 係辣汁, 我地只係叫左普通辣, 已經好辣 仲有更辣可以選擇, 食完條脷有一種麻痺既感覺由於太辣, 所以唔太食到牛肉, 只係食到d 好'林' 既肉 隨餐仲有兩碟白飯同飲品個老闆原本唔識中文, 宜家越識越多, 服務態度一流

唔係講少, 係香港仔呢間野已經算係數一數二的好食了.家庭式經營, 效率低但野食的水準有保證, 很細心的料理.服務生很有禮貌而且很有耐性的同你講菜色的特點, 抵讚.

原本想去北角食印度菜，點知間食店已結業，所以就改左黎 “禮品”。我地要左呢度 $200既 set：胡椒薄餅 (送既)：薄餅又脆又香胡椒味，微辣！兩款醬凍冰冰，又夠辣，點薄餅食好野味！Chicken Samosa：外層炸得很香脆，內餡材料足又香印度香料味！Tandoori Chicken：雞醃得入味又滑！Fish Curry：Curry有魚既鮮味，好香！但魚本身就腥左 D。Lamp Curry：Curry無 fish curry甘辣，比較甜。羊肉煮得腍身，唔會好騒！Nan：餅做得較腍身，唔係甘好味！我鍾意 “煙煙靭靭”有穌香那種！我地要左 Garlic 和Cheese兩種味， Garlic好味些！餐飲要左 beer 和 white wine，好少食店會有埋呢 D餐飲，真好！食店播住印度節目和印度歌，好有印度 feel，店員都好 nice！

見到一篇唔好既食評都冇，就放膽去試印度菜，之前真係未食過，一入到去見唔到待仔有中國人面口，好彩英文都ok，其實佢地都識少少中文的，待仔姐姐幾好禮貌同笑容，因為，星期六冇set lunch，叫左個天多李雞half，加多個蒜容nan，加多個印皇炒飯。好正既天多李雞，哈哈哈 一份4隻比先60蚊幾抵，蒜泥nan仲正，成個pizza咁大個先18，好食暈~~不過，個印皇炒飯...哈哈哈 唔係我接受到，好勁香料味呀！下次一定叫返個nan加咖哩點~~~好味

今天晚上一家人到了一間叫「禮品印度餐廳」的地方食晚飯。味道中上，銅鑼灣的「阿拉丁咖哩屋」好味些。不過一家人在香港仔吃，當然就不能要求太高啦。我點了燒烤雞、菠菜芝士球、羊肉瑪沙拉和咖哩蝦。燒烤雞做得不錯，不過乾了一點；咖哩蝦汁做得好，和著印度飯一起吃不錯，只是蝦有點雪味。做得最好的是羊肉瑪沙拉，香味和辣度調得剛剛好，和著飯吃三大碗也不嫌多。芝士球用淡味芝士做，沒有蓋過菠菜香，很好。印度飯一般香港人不愛吃，因為飯身較乾硬，而且沒有飯香。烤餅和胡椒餅就好好吃，不過胡椒餅咸了一點點。最後芒果乳酸和芒果奶昔，很好。尤其是乳酸，一入口，芒果香在口腔化開，然後刺激味蕾的乳酸味姍姍來遲，最後芒果的甜香融入舌頭。