影片
更多
2020-03-20
1504 浏览
之前平日经过都会见到有唔少客喺铺头入面，虽然近西铁站，但明明依个位平时都会好静，好好奇点解平日都有咁多人帮衬。咁啱个friend想喺元朗揾间Cafe坐下，hea下时间，就揾咗呢一间Accro Cafe，原来佢攞过好多奖，太专业，所以我唔知系咩嚟嘅，净系知好劲。都知假日去Cafe会多人，依间佢出边就摆咗本硬皮簿，俾啲客写低自己电话，有位𠮶阵时就会打俾你，咁你就唔使企喺门口等，都几贴心。因为啲技术上嘅问题，听唔到电话响，等左一个钟先有得坐，但就咁岩得咁桥安排左我哋坐吧枱位。可以近距离望住成个冲咖啡嘅过程。第一次近距离睇虹吸咖啡嘅制作过程，好靓呀。依间餐厅嘅咖啡好多选择，但嘢食就唔多啦，但系真系样样都令人有惊喜，分数有满分一百但101嘅感觉，咸嘅就叫左意式香草包配鸭胸肉，而甜嘅呢就叫咗Waffle 配 Earl Grey Cream，Maple Syrup & Chocolate Ice Cream。个包有流心嘅芝士，配埋啲洋葱烟鸭胸，同蛋黄酱真系无得输，仲要个包本身系有味嘅，令平日麻麻哋面包既我都深深俾佢吸引到。而个Waffle系心型㗎，造型都OK特别，但个cream先至系重点，伯爵茶味超
都知假日去Cafe会多人，依间佢出边就摆咗本硬皮簿，俾啲客写低自己电话，有位𠮶阵时就会打俾你，咁你就唔使企喺门口等，都几贴心。
因为啲技术上嘅问题，听唔到电话响，等左一个钟先有得坐，但就咁岩得咁桥安排左我哋坐吧枱位。可以近距离望住成个冲咖啡嘅过程。第一次近距离睇虹吸咖啡嘅制作过程，好靓呀。
依间餐厅嘅咖啡好多选择，但嘢食就唔多啦，但系真系样样都令人有惊喜，分数有满分一百但101嘅感觉，咸嘅就叫左意式香草包配鸭胸肉，而甜嘅呢就叫咗Waffle 配 Earl Grey Cream，Maple Syrup & Chocolate Ice Cream。
个包有流心嘅芝士，配埋啲洋葱烟鸭胸，同蛋黄酱真系无得输，仲要个包本身系有味嘅，令平日麻麻哋面包既我都深深俾佢吸引到。而个Waffle系心型㗎，造型都OK特别，但个cream先至系重点，伯爵茶味超级出，即使配埋朱古力雪糕，都有种唔腻嘅感觉，个cream有现货买的话，真系要即刻买一支返屋企看门口。
Waffle
49 浏览
0 赞好
0 留言
咖啡方面个friend就叫咗杯劲野，而我就简简单单叫咗杯Rose Latte，真心唔错。
张贴
