新蒸武門 (已結業)

就嚟都父亲节，唔想喺节日正日同人哋迫，所以决定提早去做节， 偏偏屋企人都好注重健康，成日都钟意喺屋企煮，但唔想佢哋煮得咁辛苦，我就要揾一个煮得好食、健康、地点又方便嘅餐厅畀佢哋！最终决定呢呢一间叫做「新蒸武门」， 睇过其他食评都觉得佢系一个非常好嘅选择，所以决定同家人一齐一探究竟！佢哋已经set咗唔同嘅餐，分别系二人/四人， 当然仲有散叫啦! 但系唔想谂太多，见个餐都几啱食，所以就决定要咗个B嘅二人餐。花旗参海底椰螺头炖猪展～ 一开炖汤嘅盖，香味就涌出嚟！远远比老火汤或者滚汤浓味！冰镇鲍鱼～ 鲍鱼非常清爽、厚肉，用埋一啲酸菜做伴碟，呢个头盘的确可以令我好开胃！腐皮卷～ 外皮煎得好香，沾上醋，亦系开胃之选生炒骨～排骨唔厚粉，亦腌得够味，呢道菜我常食，呢度嘅水准算系唔错！墨鱼条拼春卷～墨鱼条弹牙，内藏墨鱼粒，口感一流！春卷网皮很薄同时有芋头在内，很有配搭得宜！北菇扒西兰花～ 北菇算系几厚，成个菜嘅份量都好多，芡汁够味，好食！蒜蓉粉丝蒸扇贝～扇贝蒸嘅时间拿捏得好好，没有过火， 上面蒜蓉同埋粉丝都好惹味。笼仔蒸龙趸腩～ 龙趸系啖啖肉嘅位置，用上果皮去蒸，一啲都唔会腥，加埋荷叶既天然香味，味道立