老馮茶居 (大棠路)

通常新嘢都系好睇唔好食嘛！呢间元朗扮旧点心铺又几好食㖞。鹌鹑蛋烧卖怀旧点心首推鹌鹑蛋烧卖，烧卖里面有好足料虾肉，非常爽口。而且没有太多肥猪肉，所以一啲都唔油腻，连食两粒都唔滞。鹌鹑蛋就唔系太大粒，胆固醇嘅朋友唔需要太担心！千层糕又系怀旧点心，依家唔系度度食得到。一层层食得出有好香嘅椰丝，糖冬瓜，咸蛋黄。面头就系好松软嘅中式面包皮。整件感觉偏甜，半件起一件止。四宝滑鸡扎唔算怀旧款(因为真怀旧果啲系用淮山包)，不过用腐皮都几好食。系件鸡肥咗啲，同埋蟹柳太粉(似超级市场牌果啲平版蟹柳)，整体嚟讲都合格。八珍糯米鸡馅料唔算多，有咸蛋黄同埋鸡翼。唔似酒楼Style，比较似大X活果啲糯米鸡。但胜在饱肚，男士不妨点一只。其实仲食咗叉烧肠，好好味。太肚饿忘记影相。笑脸有一半是给环境的，真系装修得几有趣，屋邨茶档其实仲有好多fans，唔知香港其他区会唔会有新分店呢？！